एसइई आइकन २०८१ को उपाधि सोलुखुम्बुकी वियन्सालाई 

जेठ २०, सोलुखुम्बु ।  एसइई आइकन २०८१ को उपाधि सोलुखुम्बुकी वियन्सा गुरुङले हात पारेकी छिन । काठमाण्डौको राष्ट्रिय नाचघर जमलमा सम्पन्न प्रतियोगितामा गुरुङले सयौँ प्रतिस्पर्धीलाई पछि पार्दै प्रथम उपाधि हात पारेकी हुन । सोलुखुम्बुको थुलुङ दुधकोशी गाउँपालिका वडा नम्बर १ नेलेका पूर्ण गुरुङकी छोरी वियन्सा गुरुङ शनिवार राष्ट्रिय नाचघर जमलमा भएको कार्यक्रममा एसइई आइकन २०८१  बन्न सफल भएकी हुन ।

 ६१ जना महिला र १३ जना पुरुष गरि ७४ जना एसइइ दिएका विद्यार्थीको सहभागिता रहेको प्रतियोगितामा गुरुङ प्रथम हुदै २५ हजार नगदको साथमा विदेश भ्रमणको अवसर र पढ्नका लागी छात्रबृत्ति प्राप्त गरेकी छन । उनलाई स्वस्थता, वाक क्षमता, नृत्य, शारीरिक संरचना लगायत विभिन्न मापदण्डमा अव्बल भएको आधारमा छनौट गरिएको थियो ।  वियन्साले २०८० मा रिभेरा इन्टरनेसनल एकेडेमीबाट एसइई दिएको उनका बुवा पुर्ण गुरुङको भनाई छ ।