महाकुलुङ गाउँपालिका २ का १५ घर धुरीलाई जस्ता पाता वितरण

जेठ २०, सोलुखुम्बु । महाकुलुङ गाउँपालिका वडा नम्बर २ का १५ घर धुरीलाई जस्ता पाता वितरण गरिएको छ । पेल्माङ बिकासका लागि सहयोगी हातहरुको समन्वय तथा जर्मनी संस्था गोर्लिज –पेल्माङ ईभीले यस बर्ष १५ घर धुरीलाई जस्ता पाता वितरण गरेको हो । आर्थिक अबस्था कमजोर भएका घर परिवारलाई लक्षित गरी सहयोग गरिएको पेल्माङ विकासका लागि सहयोगी हातहरु संस्थाका अध्यक्ष मछिन्द्र कुलुङले जानकारी दिनुभयो ।

उहाँका अनुसार वडा नम्बर २ का स्थानीयलाई गत वर्ष १२ घर र यस वर्ष १५ घर धुरीलाई जस्ता वितरण गरिएको हो । यस्तै जस्ता पाताको साथमा आवश्यक काटी, प्लेनसीट लगायतका सामाग्री प्रदान गरिएको छ । यस संस्थाले स्वास्थ, शिक्षा लगायत अन्य क्षेत्रमा समेत सहयोग गर्दै आएको छ । उक्त घर परिवारलाई १४ लाख बराबरको लागतमा जस्तापाता वितरण गरिएको अध्यक्ष कुलुङको भनाई छ ।