महाकुलुङमा भालु आतंक, अन्नबालीमा क्षती, स्थानीयको निद हराम

भाद्र ९, सोलुखुम्बु । सोलुखुम्बुको महाकुलुङ गाउँपालिकामा भालु आतंक मच्चिएको छ । भालुले किसानले लगाएको मकै बालमा क्षती गरेको छ । गाउँपालिकाको वडा नम्बर १ का विभिन्न गाउँमा किसानले लगाएका मकै बाली लगायतमा भालु पस्दा क्षती भएको जनाइएको छ । आइतबार राती महाकुलुङका समिर कुलुङको बारीमा लगाएको मकैबालीमा भालुले क्षती पु¥याएको छ । वर्षेनी सो क्षेत्रका नागरिकले लगाएको बालीमा भालुले क्षती पु¥याउदा किसान आजित भएको उनिहरुको भनाई छ ।

वर्षभरि खान भनि लगाइएको बालीमा भालुले क्षती गर्दा किसनालाई समस्या भएको स्थानीय समिर कुलुङको भनाई छ । वडा नम्बर १ का मुलखर्क, चिगेंमाला लगायतका ठाउँहरुमा पछिल्ला केही दिनयता भालुले क्षती पु¥याइरहेका खवर आएको उहाँले बताउनुभयो । उहाँको आफ्नै बारुीमा लगाएको मकै बालीमा भालु पस्दा करिव १ मुरीको क्षती भएको उहाँको भनाई छ । मकैमा क्षती गर्ने भालु घर वरिपरिको जंगलमै घुम्ने हुँदा त्यसले थप आतंकीत बनाएको स्थानीयहरुको भनाई छ ।

विभिन्न समयमा हिड्दै गर्दा भालु बाटोमै भेटिने भएकाले आतंक फैलीएको किसान तथा स्थानीयको भनाई छ । भालु आतंक नियन्त्रण गर्न स्थानीय सरकार र मातहतका निकायले पहल गर्नुपर्ने भन्दै नागरिकहरुले आसा व्यक्त गरेका छन् । अन्न बाली, पशुचौपाया तथा मानिसमा सोत आक्रमण गर्न सक्ने त्रासले स्थानीयको निन्द्रा हराएको स्थानीयहरुको भनाई छ ।