जेठ २१, सोलुखुम्बु । खोटाङको दिक्तेल रूपाकोट मझुवागढी नगरपालिकाका ५ सय बालबालिकालाई यो वर्ष सबै किसिमका खोप लगाइएको छ । चालु आर्थिक वर्ष २०८०/८१ मा नगरपालिकालाई पुर्ण खोप सुनिश्चित पालिका घोषणा गर्दै नगरपालिका भरिका सबै ५ सय बालबालिकालाई लगाउनुपर्ने १३ किसिमका खोप लगाइएको जनाइएको हो । नगर भित्र रहेका १६ देखी २३ महिना सम्मका सबै बालबालिकाले खोप पाएको सुनिश्चित भएपछि आज नगरपालिकाको सभाहलमा आयोजित पुर्ण खोप सुनिश्चितता तथा दिगोपना पालिका घोषणा सभामा नगरलाई पूर्ण खोप सुनिश्चित नगर घोषणा समेत गरिएको छ ।
स्थानीय स्वामित्व र सहभािगता, पुर्णा खाेप सुिनश्चीतता हाम्राे प्रतिवद्दता भन्ने मुल नारा सहित राष्ट्रिय खोप निर्देशिकाले तोकेका प्रक्रियाहरू पुरा गरि यो वर्षका लागी नगर पूर्ण खोप सुनिश्चित भएको नगरप्रमुख तीर्थराज भट्टराईले बताउनुभयो । घोषणा सभामा क्रममा नगरका १५ वटै वडालाई प्रमाण प्रदान गरिएको संवाददाता उदिम राईले बताउनुभयो । खोप छुटे नछुटेको यकिन गर्न घरधुरि सर्वेक्षण गरि सबै बालबालिकाले खोप पाएको सुनिश्चित भएपछि नगरपालिकालाई पुर्ण खाप सुनिश्चितता तथा दिगोपना भएको घोषणा गरिएको नगरपालिकालाई उदृत गर्दै राईले बताउनुभयो ।
जिल्ला समन्वय समिति खोटाङका प्रमुख सनबहादुर राई तथा नगर खोप समन्वय समितिका संयोजक तथा दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराईले पूर्ण खोप सुनिश्चितता तथा दिगोपना नगर घोषणा गर्नुभएको हो । पुर्ण खोप सुनिश्चीतता तथा दिगोपना नगर घोषणा सभामा सभाध्यक्ष नगरप्रमुख भट्टराई, प्रमुख अतिथि समन्वय प्रमुख राई, विशिष्ट अतिथि प्र.जि.अ. शिवकुमार कार्की वडा अध्यक्षहरु नगर प्रवक्ता दिनेश कुमार घिमिरे, नवराज राई, दानबहादुर राई, रामबहादुर कटवाल, स्वास्थ्य कार्यालय प्रमुख जीवन चौलागाइँ, प्रमुख प्रशासकीय अधिकृत दिनेश कुमार राई ,लेखा अधिकृत राजकुमार राई खोटाङ, उधोग वाणिज्य संघका अध्यक्ष राजन आचार्य, नेपाल रेडक्रस सोसाइटी खोटाङका अध्यक्ष ज्ञानेन्द्र जोशी, नेपाल पत्रकार महासंघ शाखा खोटाङका अध्यक्ष दिलिप खत्री लगायत सरोकारवालाहरूको उपस्थिति रहेको थियो ।
Discussion about this post