सोलुखुम्बुमा संविधान, राष्ट्रिय एकता र नागरिक कर्तव्य विषयक अन्तरक्रिया

असोज ३, सोलुखुम्बु । सोलुखुम्बुको सदरमुकाम सल्लेरीमा संविधान, राष्ट्रिय एकता र नागरिक कर्तव्य सम्बन्धी अन्तरक्रिया कार्यक्रम सम्पन्न भएको छ । १० औं संविधान दिवसको अवसरमा शुक्रबार उद्योग वाणिज्य संघको हलमा आयोजना गरिएको अन्तरक्रिया कार्यक्रम सम्पन्न भएको हो ।

कार्यक्रममा सहभागी वक्ताहरूले नेपालको संविधान, राष्ट्रिय एकता र नागरिक कर्तव्यका विविध आयामबारे आफ्नो धारणा व्यक्त गरेका थिए । उनीहरूले संविधानले सुनिश्चित गरेका अधिकार र कर्तव्यबीच सन्तुलन कायम गर्दै राष्ट्रिय एकतालाई सुदृढ गर्न नागरिकहरू सचेत र जिम्मेवार बन्नुपर्नेमा जोड दिएका छन् । कार्यक्रमले नागरिकहरूमा संविधानप्रतिको समझदारी बढाउने तथा राष्ट्रिय एकता र कर्तव्यप्रतिको भावना बलियो बनाउने विश्वास गरिएको छ ।

कार्यक्रममा जिल्ला समन्वय समिति सोलुखुम्बुका प्रमुख कृष्ण प्रसाद निरौला, सोलुदुधकुण्ड नगरपालिकाका प्रमुख नाम्गेल जाङ्बु शेर्पा, नेचासल्यान गाउँपालिकाका अध्यक्ष धनजन राई, प्रमुख जिल्ला अधिकारी लिला कुमारी के.सी. पाण्डे, जिल्ला न्यायाधिवक्ता रुद्र प्रसाद आचार्य, सुरक्षा निकायका प्रमुख तथा प्रतिनिधिहरु, साथै सरकारी तथा गैरसरकारी संघसंस्थाका प्रतिनिधिहरुको सक्रिय उपस्थिती रहेको थियो ।