चाडपर्व नजिकिएसँगै गाउँ जाने सडकहरू मर्मत गरिँदै 

असोज ४, सोलुखुम्बु । नेपालीहरूका मुख्य चाडपर्व नजिकिएसँगै मुख्य सहर तथा अन्य विभिन्न स्थानमा रहेका नागरिकहरू गाउँ फर्कन थालेका छन् ।  तर लगातारका वर्षातले सडकहरू अवरुद्ध हुनका साथै बाढी पहिरो जस्ता प्रकृतिका सङ्कटका कारण क्षतविक्षत भइरहेका छन् । यस्तो अवस्थामा सहरबाट गाउँ आउनेहरू सहजै गाउँ पुग्न सक्ने अवस्था नरहँदा सास्ती हुदै आएको छ ।  जनताको प्रत्यक्ष सम्पर्कमा रहेका स्थानीय सरकारहरूले यसको समाधानका लागी आफूसँग भएको श्रोत साधन प्रयोग गरि निरन्तर खुलाउने कोशीस गरिरहेको बताएका छन् ।

जिल्लाको थुलुङ दुधकोसी गाउँपालिकाले आफ्नै स्काभेटर मार्फत नियमित सकको मर्मत तथा सरसफाई गरिरहेको छ । ९ वटा वडा रहेको पालीकामा सबै वडामा सडक बर्षातका कारण अवरुद्ध भइनै रहेका छ यद्यपि त्यसको मर्मत तथा सम्भारका लागी पालिका यथासम्भव पुगिरहेको गाउँपालिका प्रवक्ता भोजराज कार्कीले बताउनुभयो ।  गाउँपालिकाले तालिकानै बनाएर मर्मत सरसफाइ गरिरहेको उहाँको भनाई छ । उहाँले दशैँमा गाउँ नआउनेहरूका लागी सहज रुपमा गाउँ जाने वातावरण निर्माण गरिने उहाँले बताउनु भएको छ ।  

यस्तै जिल्लाको लिखुपिके गाउँपालिकाले पनि दशैँ तिहार लक्षित सडक मर्मत तथा सुधार योजनालाई कार्यान्वयन गरिरहेको छ । गाउँपालिका उपाध्यक्ष ङवाङ ल्हाक्पा शेर्पाका अनुसार स्काभेटर भाडामा लिएर तैनाथ राखिएको बताउनुभयो ।  उहाँले वर्षातको बेला ठूला सवारी साधनलाई सञ्चालनमा रोक लगाएर सडकको सुरक्षा गरिएको समेत उल्लेख गर्नुभयो ।