उदयपुरमा माटो खन्ने क्रममा ढिस्कोले पुरिएर एक महिलाको मृत्यु

असोज ५, सोलुखुम्बु । उदयपुरको त्रियुगा नगरपालिका वडा ३, चाँपस्थित बगरटोलकी एक महिलाको ढिस्कोले पुरिएर आइतबार मृत्यु भएको छ । जिल्ला प्रहरी कार्यालय उदयपुरका अनुसार सोहि ठाउँ निवासी शङ्कर राईको श्रीमती २४ वर्षिया रमिला राईलाई स्थानीय गेरुवा खोलको डिलमा माटो खन्ने क्रममा माथिबाट झरेको ढिस्कोले पुरेपछि घटनास्थलमै मृत्यु भएको हो ।

यस घटनाका विषयमा थप अनुसन्धान गर्न प्रहरी निरीक्षकको सुरक्षा टोली घटनास्थल तर्फ पठाइएको तथा मृतकको शव पोस्टमार्टमका लागि जिल्ला अस्पताल ल्याउने तयारी गरिएको जिल्ला प्रहरी कार्यालय उदयपुरका प्रहरी प्रमुख प्रहरी उपरीक्षक राजन चापागाइले बताउनुभयो । समाचार लेख