अन्नपूर्ण म्याराथनको उपाधी खोटाङकी निर्मला र नेपाली सेनाका होमलाललाई

जेठ २२, सोलुखुम्बु ।नेपाली सेनाको त्रिभुवन आर्मी क्लबका होमलाल श्रेष्ठ र खोटाङकी निर्मला राईले चौथो संस्करणको अन्नपूर्ण म्याराथन २०८१ अन्तर्गत क्रमशः पुरुष र महिलातर्फको उपाधि हात पारेका छन्। ‘पर्यटनका लागि सबै मौसम’ भन्ने मूल नाराका साथ जुन ३ अर्थात् अन्नपूणर् आरोहण दिवसको अवसर पारी अन्नपूणर् सेन्चुरी पर्यटन समिति, घान्द्रुकको आयोजना तथा अन्नपूणर् गाउँपालिकाको व्यवस्थापनमा अन्नपूणर् पदमार्गमा सोमबार म्याराथन सम्पन्न भएको हो ।
पुरुषतर्फका विजेता श्रेष्ठले निर्धारित ४२.१९५ किलोमिटरको दूरी चार घण्टा १६ मिनेट २४ सेकेन्डमा पूरा गरे। श्रेष्ठ गत वर्षका उपविजेता हुन्। गत वर्ष सो दूरी उनले चार घण्टा १२ मिनेट ५१ सेकेन्डमा पूरा गरेका थिए।
यसैगरी, दोस्रो भएका सोलुखुम्बुका अर्जुङ कुलुङले चार घण्टा ३५ मिनेट १५ सेकेन्डमा दूरी पूरा गरे। उनी पाँच दिनअघि सम्पन्न एभरेस्ट म्याराथनका विजेतासमेत हुन्। तेस्रो भएका जुम्लाका धीरबहादुर बुढाले चार घण्टा ४३ मिनेट ६ सेकेन्डमा दूरी पूरा गरे। बुढा गत वर्षका विजेता हुन्। गत वर्ष उनले चार घण्टा १० मिनेट ५१ सेकेन्डमा दूरी पार गरेका थिए।

यसैगरी, महिलातर्फकी प्रथम राईले पाँच घण्टा ३७ मिनेट ४७ सेकेन्डमा निर्धारित दूरी पूरा गरिन्। राईले एभरेष्ट भ्यु ट्रेल म्याराथन सोलुखुम्बु २०८०को पहिलो सँस्करणको दोस्रो उपाधी जितेकी थिइन ।
आर्मीकी सुनसरी रोका पाँच घण्टा ४५ मिनेट ३१ सेकेन्डमा दूरी पार गर्दै दोस्रो र ओखलढुंगाकी छोकी शर्पा पाँच घण्टा ५६ मिनेट ५९ सेकेन्डको दूरी पार गर्दै तेस्रो भए। शेर्पा गत वर्षसमेत तेस्रो भएकी थिइन्।
विजेता खेलाडी महिला तथा पुरुष दुवैतर्फ पहिलो, दास्रो तथा तेस्रो हुनेलाई क्रमश रु.१ लाख ५० हजार ,एक लाख र ७५ हजार रुपैयाँ पुरस्कार प्राप्त गरेका छन् ।

महिलातर्फ एक विदेशी सहित ११ जना र पुरुषतर्फ ३ विदेशी सहित ४९ धावकको सहभागिता रहेको थियो । अन्नपूणर् सेन्चुरी पर्यटन समितिको आयोजनामा सञ्चालित अन्नपूणर् म्याराथनमा विजेता धावकलाई गण्डकी प्रदेश सरकारका आर्थिक मामला मन्त्री डा.टकराज गुरूङ, मूल आयोजक समितिका संयोजक एवं समितिका अध्यक्ष ललित गुरूङ लगाएतले पुरस्कार प्रदान गरेका थिए ।

चार हजार १३० मिटर उचाइमा रहेको अन्नपूणर् आधार शिविरबाट सुरु म्याराथन माछापुच्छ्रे आधार शिविर, बगर, देउराली, हिमालय, दोभान, बाम्बो, सिनुवा, छोम्रोङ, तउल, घुजुङ चुइले, कोम्रोङडाँडा, किम्रोङखोला, उरी हुँदै एक हजार ९५५ मिटर उचाइमा रहेको घान्द्रुकमा आएर सम्पन्न भएको आयोजक समितिका अध्यक्ष संयोजक ललित गुरुङले जानकारी दिनुभयो ।

३ जुन १९५० का दिन फ्रान्सेली नागरिक मौरिस हर्जोगको टोलीले अन्नपूणर् प्रथम हिमालको सफल आरोहण गरी विश्वका आठ हजारभन्दा अग्लो हिमाल आरोहण गरी विश्व कीर्तिमान राखेको दिनलाई अन्नपूणर् दिवसका रूपमा मनाइँदै आइएको छ। सोही दिनको अवसर पारी पदयात्रा मार्गमा म्याराथन आयोजना गर्दै आएको जनाइएको छ ।