महाकुलुङ ः विद्युतीय चुल्हो अनुदानमा वितरण गरिने

जेठ २२, सोलुखुम्बु ।  सोलुखुम्बुको महाकुलुङ गाउँपालिकामा विद्युतीय चुल्हो वितरण गरिने भएको छ । EnDev को आर्थिक सहयोग तथा प्राक्टिकल एक्सन नेपाल र सामुदायिक विद्युत उपभोक्ता महासंघ नेपालद्वारा सञ्चालित  नेपालमा विद्युतिय चुलोको दिगो बजार विकास परियोजना कार्यक्रम अन्तर्गत अनुदानमा विद्युतीय चुल्हो वितरण गरिने जनाइएको छ ।

 एक घर १ विद्युतीय चुल्होको लक्ष राखेको संस्थाले महाकुलुङ गाउँपालिकाका सबै घरधुरीमा विद्युतीय चुल्होको पहुँच पु¥उयाउने लक्ष लिएको जनाइएको छ । यसैक्रममा महाकुलुङ गाउँपालिका वडा नम्बर ५ मा पनि विद्युतीय चुल्हो अनुदानमा वितरण गरिने जनाइएको छ ।  एक सूचना जारी गर्दै वडाले चुल्हो अनुदानमा लिनका लागी आवेदन दिन भनेको छ । वडा कार्यालयका अनुसार हाल सम्म ८० जनाले विद्युतिय चुल्होका लागी आवेदन दिएका छन ।

वडामा २०७० रुपैयाँको अनुदानमा चुल्हो वितरण गरिने जनाइएको छ । संस्थाले २ हजार वटको इन्डक्सन चुल्होमा २ हजार ७०, १६ सय वटाको इन्डक्सन चुल्होमा १७ सय ५० र इन्फ्रारेड चुल्होमा १२ सय ५० रुपैयाँ अनुदान दिने जनाइएको छ । जस अन्तर्गत अनुदानमा ७ हजार ६ सयमा इन्डक्सन चुल्हो सेट  र  ७ हजारमा सानो सेटको विद्युतीय चुल्हो सेट उपलब्ध गराइने वडा अध्यक्ष महल सिं कुलुङले जानकारी दिनुभयो ।

उपलब्ध गराइने विद्युतीय चुल्होको ठुलो सेटमा ५ हजार १ सय ४५ रुपैयाँ बराबरको इन्डक्सन चुल्हो, ५ लिटरको कुकर २२ सय मा, २६ सेमीको कराई २३ सय २५ अनुमानित लागत पर्ने जनाइएको छ ।  भने सानो सेटमा ३ लिटरको कुकर १८ सय रुपैयाँ बराबरको, कराई २१ सय रुपैयाँ बराबर अनुमानित लागत पर्ने छ ।  अहिले महाकुलुङ गाउँपालिकामा विद्युतीय चुल्हो प्रयोगकर्ता मात्र २ घर छन भने दाउरालाई इन्धनको रुपमा प्रयोग गर्नेको घरधुरी संख्या २ हजार ७ सय ७६ रहेको छ ।