सोलुखुम्बुको लोबुचेमा हेलिकप्टर दुर्घटना, पाईलट सकुशल, मानवीय क्षति भएन

कार्तिक १२, सोलुखुम्बु । सगरमाथा आधार शिविर नजिकै रहेको लोबेचेमा अल्टिच्युड एयरको हेलिकप्टर दुर्घटना भएको छ । विहान लुक्ला बाट विदेशी पर्यटक लिन गएको अल्टिच्युड एयरको अल्फा माईक सेरा कलसाईन भएको हेलिकप्टर लोबुचो हेलिप्याडमा अवतरण गर्ने क्रममा हिउँमा चिप्लिएयर दुर्घटना भएको हो । पाईलट विवेक खड्का भने सकुशल रहेको प्रहरीले जनाएको छ । हेलिकप्टरमा कुनै मानवीय क्षति भने नभएको जिल्ला प्रहरी प्रमुख डिएसपी मनोजित कुँवरले बताउनुभयो । विहान ८ ः १५ मा हेलिकप्टर दुर्घटना भएको पुष्टि भएको प्रमुख जिल्ला अधिकारी लिलाकुमारी केसी पाण्डेले पुष्टि गरिन् । पाईलट खड्कालाई कैलास एयरको हेलि मार्फत मार्फत लुक्ला ल्याईएको डिएसपि कुँवरले बताए्उनुभयो । हेलिकप्टरमा आगजनी नभएको र पल्टिएको अवस्थामा रहेको प्रहरीले जनाएको छ । खुम्बुमा बाक्लो हिउँ परेका कारण विहानै देखि हेलिकप्टरले पर्यटकको उद्धार गर्दै आएका थिए ।