आज विश्व शहरीकरण दिवस मनाइँदै

कार्तिक १४, सोलुखुम्बु । ‘जनकेन्द्रित स्मार्ट शहर’ नाराका साथ शुक्रबार विश्व शहरीकरण दिवस मनाइँदैछ। संयुक्त राष्ट्रसङ्घको आह्वानमा यसै अवसरमा शुक्रबार कोलम्बियाको राजधानी बोगोटामा विशेष कार्यक्रम हुँदैछ। सन् २०१४ देखि यो दिवस मनाउन शुरु गरिएको हो। यो दिवसमा प्रत्येक वर्ष फरक सहरमा विश्वस्तरीय विशेष कार्यक्रम आयोजना हुँदै आएका छ ।

यो दिवस मनाउनुको मुख्य उद्देश्य आवास सङ्कटजस्ता विश्वव्यापी चुनौतीको समाधानका लागि दिगो र समान अवसरयुक्त शहर निर्माणमा विश्वस्तरीय सहकार्यलाई प्रवर्धन गर्नु हो। विश्व तीव्र गतिमा सहरमुखी बन्दै गएको सन्दर्भमा शहरी क्षेत्रको दिगो विकास अपरिहार्य भएको छ। राष्ट्रसंघको अनुसार हाल विश्वको आधाभन्दा बढी जनसङ्ख्या सहरी क्षेत्रमा केन्द्रित छ।