छोरीको जन्मदिनमा १० लाखको बीमालेख उपहार

जेठ २३, सोलुखुम्बु । कुनै पनि विशेष अवसरमा दिइने उपहार यस्तो होस् जसले जिन्दगीभरि याद गराउनेछ । आजभोलि जन्मदिन, विवाहउत्सव या अन्य यस्तै विशेष उत्सवमा दिइने उपहारको शैली परिवर्तन भएको छ । आफ्ना आफन्तलाई जीवनको जोखिम बहन गर्ने बीमालेख उपहार दिने चलन बढेको छ ।

छोरीको जन्मदिनको अवसरमा सोलुदुधकुण्ड नगरपालिका–४ का लक्ष्मण घिमिरेले १० लाख बराबरको बीमालेख उपहार दिनुभएको छ । फजुल खर्च गर्नुभन्दा पनि छोरीको बचत तथा सुरक्षाका दृष्टिकोणले जीवन बीमा गराएको घिमिरेको भनाई छ । उहाँले फजुल खर्च गर्नुभन्दा पनि जीवनको सुरक्षा तथा बचतको लागि सबैलाई जीवन बीमा गर्न समेत आग्रह गर्नुभयो ।

अन्य उपहार भन्दा बीमा पोलिसी अत्यन्त उपयोगी हुने भएकाले ‘नेपाल लाइफ केटाकेटी सुनौलो भविष्य’ जिवन बीमालेख खरिद गरेर प्रदान गरिएको घिमिरेले बताउनुभयो । हिजो मंगलवार साँझ नेपाल लाइभ इन्स्योरेन्स शाखा कार्यालय सोलुखुम्बुका प्रबन्धक प्रकाशबाबु कार्कीद्वारा बीमितलाई हस्तान्तरण गरिएको छ ।