उदाहरणीय काम : ड्युटीपछि कार्यालय परिसरमै सरसफाइमा जुटे साेलुका सिडिअाे सहित कर्मचारी

वैशाख २९, साेलुखुम्बु ।   प्रमुख जिल्ला अधिकारी लिला कुमारी के.सी. पाण्डेको नेतृत्वमा जिल्ला प्रशासन कार्यालय सोलुखुम्बुका कर्मचारीहरू कार्यालय समयपछि सरसफाइ अभियानमा जुटेका छन् । सिडिओ आफैँ सक्रिय रहेर सरसफाइ अभियानमा जुटेका हुन् ।

दैनिक प्रशासनिक जिम्मेवारी पूरा गरेपछि कर्मचारीहरूले कार्यालय परिसर सफा गर्दै “सफाइ आफैंबाट सुरु हुनुपर्छ” भन्ने सन्देश दिएका हुन् ।
सरकारी कार्यालय केवल सेवा दिने ठाउँ मात्रै नभई अनुशासन, जिम्मेवारी र सकारात्मक संस्कारको उदाहरण बन्नुपर्ने सन्देशसहित गरिएको सरसफाइ अभियानको स्थानीयवासी, होटल व्यवसाहीले समेत प्रशंसा गरेका छन् ।

प्रमुख जिल्ला अधिकारी पाण्डेले सफा वातावरणले सकारात्मक कार्यसंस्कृति विकास हुने बताउँदै सार्वजनिक निकायबाटै राम्रो अभ्यास सुरु हुनुपर्ने धारणा व्यक्त गर्नुभयो ।

कार्यालय समय सकिएपछि समेत कर्मचारीहरू स्वस्फूर्त रूपमा सरसफाइमा जुटेको दृश्यले “काम मात्रै होइन, संस्कार पनि सिकाउँदै प्रशासन” भन्ने चर्चा समेत सुरु भएको छ ।