जेठ १६, सोलुखुम्बु । सोलुखुम्बुको सोलुदुधकुण्ड नगरपालिकामा कक्षा ८ बाट ९ मा उक्लँदा सर्वोत्कृष्ट नतिजा हासिल गर्ने विद्यार्थीहरूलाई ‘विद्यावारिधि लक्ष्य पुरस्कार’ वितरण गरिएको छ । कार्यक्रममा शैक्षिक सत्र २०८१ / २०८२ मा नगरपालिकाभित्र सबैभन्दा उच्च जीपीए प्राप्त गर्ने विद्यार्थीहरूलाई सम्मान तथा पुरस्कार प्रदान गरिएको हो । शुक्रबार उत्कृष्ट शैक्षिक उपलब्धि हासिल गरेका विद्यार्थीहरूलाई प्रोत्साहन गर्दै आगामी दिनमा पनि अध्ययनमा निरन्तर उत्कृष्टता कायम राख्न आग्रह गरिएको थियो ।
कार्यक्रममा नाम्गेल जाङ्बु शेर्पा, टङ्क दाहाल, किशोर खत्री, खिलक बहादुर कार्की, मदन राई, यशोदा बास्तोला, गीता कार्की, रमा बास्तोला लगायत शिक्षा क्षेत्रका विभिन्न प्रबुद्ध व्यक्तित्वहरूको उपस्थिति रहेको थियो ।सोलुखुम्बु इनिसिएटिभ का अध्यक्ष रोहित बास्तोलाको अध्यक्षतामा सम्पन्न कार्यक्रमको सञ्चालन चित्र कार्कीले गर्नुभएको छ ।
Discussion about this post