भदौ १६, सोलुखुम्बु । खोटाङको केपिलासगढी गाउँपालिकाले यस वर्ष आयोजना गर्न लागेको ‘हरितालिका तीज विशेष कार्यक्रम’ स्थगन गरेको छ । देशमा हालै आएको प्राकृतिक विपद् र ठुलो जनधनको क्षतिका कारण गाउँ कार्यपालिकाले स्वीकृत कार्यक्रम अनुसारको तीज विशेष कार्यक्रम आयोजना नगर्ने निर्णय गरेको हो ।
गाउँपालिकाका अनुसार यही भदौ १० गते चीनको तिब्बत क्षेत्रबाट उच्च गतिको बाढी भोटेकोशीमा प्रवेश गरी रसुवा, नुवाकोट, धादिङ, गोरखा, चितवनलगायतका जिल्लामा सयौँ मानिसको मृत्यु, हजारौँ बेपत्ता तथा ठुलो भौतिक संरचनामा क्षति पुगेको छ । देश विषम र दुःखद परिस्थितिबाट गुज्रिरहेको बेला खोजी, उद्धार तथा पुनस्र्थापनामा जुट्नुपर्ने आवश्यकतालाई ध्यानमा राखी उत्सवमूलक कार्यक्रमहरू स्थगित गरिएको गाउँपालिकाका प्रमुख प्रशासकीय अधिकृत सौ धन राईले जानकारी दिनुभयो । गाउँपालिकाले विपद्मा परी ज्यान गुमाउनेहरूप्रति चिरशान्तिको कामना गर्दै शोक सन्तप्त परिवारजनमा समवेदना प्रकट गरिएको छ ।
Discussion about this post