केपिलासगढी बन्यो पुर्ण खोप सुनिश्चित पालिका, एक दिने रक्तदान कार्यक्रममा ३३ पाउण्ड रक्त संकलनको इतिहास

जेठ ३०, सोलुखुम्बु । खोटाङको केपिलासगढी गाउँपालिकालाई पूर्ण खोप सुनिश्चितता तथा दिगोपना पालिका घोषणा गरिएको छ । आज एक कार्यक्रमकाबीच गाउँपालिकालाई पुर्ण खोप सुनिश्चितता तथा दिगोपना पालिका घोषणा गरिएको हो ।

गाउँपालिका भरिका १६ देखी ५९ महिना सम्मका सबै १ सय ५६ बालबालिकाले खोप पाएको सुनिश्चित भएसँगै गाउँपालिका पूर्ण खोप सुनिश्चित पालिका घोषणा भएको जनाइएको छ । जिल्ला खोप समन्वय समिति खोटाङका संयोजक सन बहादुर राईले पूर्ण खोप सुनिश्चित पालिका भएको प्रमाणपत्र प्रदान गरेर गाउँपालिकालाई पूर्ण खोप सुनिश्चित पालिका पालिका घोषणा गरिएको गाउँपालिका अध्यक्ष समिर राईले जानकारी दिनुभयो ।

उहाँले गाउँपालिका सबै बालबालिकाको स्वास्थ्य प्रति सचेत भएको बताउनुभएको छ । गाउँपालिका अध्यक्ष राईको सभापतित्वमा सम्पन्न कार्यक्रममा पुर्व सम्बिधान सभा सदस्य जुर्गाजयन्ति राई र गाउँपालिका उपाध्यक्ष गुरुराज राईको विशेष आतिथ्यता रहेको थियो ।

कार्यक्रममा जिल्ला स्वास्थ्य कार्यालय, खोटाङका कार्यालय प्रमुख जीवन चौलागाईं, नेपाल रेडक्रस सोसाईटी, खोटाङका प्रतिनिधिहरु, ब्लड बैंक खोटाङका प्रतिनिधिहरु, वार्ड अध्यक्ष, कार्यपालिका तथा वडा सदस्य, विभिन्न संघ संस्थाका प्रतिनिधि, गाउँपालिकाका सम्पूर्ण कर्मचारी, सम्पूर्ण वडामा कार्यरत स्वास्थ्य स्वयंसेविका लगायतको उपस्थिति रहेको थियो । कार्यतक्रममा उपस्थित अतिथीहरूलाइ निमित्त प्रमुख प्रशासकीय अधिकृत सुरेन्द्र खनालले स्वागत मन्तव्य सहित स्वागत गर्नुभएकाे थिथाे ।

यसैवीच केपिलासगढी गाउँपालिकामा जिल्लाकै इतिहासमा सबैभन्दा बढी रगत संकलन भएको छ । गाउँपालिकामा आयोजित १ दिने रक्तदान कार्यक्रमकाे अवसरमा जिल्लामै हाल सम्म एक दिने रक्तदान कार्यक्रममा संकलन भएकाे रगत मध्ये  सबैभन्दा बढी ३३ पाउण्ड रगत संकलन भएको नेपाल रेडक्रस सोसाइटी जिल्ला शाखा खोटाङले जनाएको छ ।