अन्तर आधारभुत विद्यालय स्तरीय हाजिरीजबाफ प्रतियोगिता सम्पन्न

जेठ ३०, सोलुखुम्बु ः ओखलढुगाको सिद्धिचरण नगरपालिका २ ठुला छापले बिश्व बालश्रम विरुद्ध दिवसको अवसरमा हाजिरीजबाफ प्रतियोगिता सम्पन्न गरेको छ । बालमैत्री शासन बाल अधिकारको सम्मान भन्ने मुल नाराका साथ विश्वभर नै प्रत्येक वर्ष १२ जुनमा मनाइँदै आएको यो दिवस सिद्धिचरण नगरपालिका २ मा पनि मनाइएको छ ।

सिद्धिचरण नगरपालिका वडा नं २ का वडाअध्यक्ष तथा वडा शिक्षा समितिका संयोजक बसन्त कटुवालको संयोजक तथा प्रमुख अतिथिको उपस्थितिमा कार्यक्रम भएको हो । वडास्तरीय सृजनशील बाल क्लबको आयोजना तथा वडा नं २ को आर्थिक सहयोगमा उक्त कार्यक्रमको आयोजना गरिएको हो ।

अन्तर आधारभुत विद्यालय स्तरीय हाजिरीजबाफमा पहिलो कालिका आवि चुहान्छाप दोस्रो हिमालय मावि तेस्रो रक्तमाला आ वि भएको छ । पहिलो दोस्रो र तेस्रो स्थान हासिल गर्नेलाई क्रमश ३५००, २५०० र १५०० को साथमा प्रमाणपत्र र शैक्षिक सामाग्री दिइएको वडाअध्यक्ष बसन्त कटुवालले बताउनुभएको छ । कार्यक्रममा १० वटा टिमको सहभागिता रहेको थियो ।

कार्यक्रमहरुको अध्यक्षमा सृजनशील क्लबका अध्यक्ष अभिनास बस्नेत विभिन्न विद्यालयका प्रध्यानाध्यापक,  वडा कार्यालय भित्रका विभिन्न संघसंस्थाका प्रतिनिधि, विद्यार्थी, अभिभावक लगायतको उपस्थित रहेको वडाअध्यक्ष कटुवालले जानकारी दिनुभयो । कार्यक्रमको उद्‌घोषक सुगम कटुवाल र आयुष तामाङले गर्नुभएको थियो ।