लिखुपिकेको ८५ प्रतिशत बजेट कार्यान्वयन, अर्काे बजेटमा प्रशासनीक भवन बनाइने अध्यक्ष कार्कीकाे भनाइ

जेठ ३०, सोलुखुम्बु । आर्थिक वर्षको अन्त्यमा आइपुग्दा सोलुखुम्बुको लिखु पिके गाउँपालिकाले करीव ८५ प्रतिशत बजेट कार्यान्वयन गर्न सफल भएको बताएको छ । चालु आर्थिक वर्ष २०८०÷८१ लागी विनियोजित बजेट कार्यान्वयन हाल सम्म ८५ प्रतिशत सम्पन्न भएको जनाइएको छ । यस वर्ष गाउँपालिका र वडाले सञ्चालन गर्नेगरि छनौट गरिएका ६१ योजनाहरु मध्ये सबै योजनाहरु सम्पन्न हुने चरणमा रहेको भन्दै चाँडै सबै योजनाहरुको भुक्तानी हुने गाउँपालिकाका प्रमुख प्रशासकीय अधिकृत काजीमान राईले बताउनुभयो ।

उहाँले जतिसक्दो धेरै बजेट कार्यान्यन गरिने प्रयास भइरहेको भन्दै यो वर्ष बजेट फर्केर नजाने जिकिर गर्नुभएको छ । चालु आर्थिक वर्षमा लिखु पिके गाउँपालिकाले सडकलाई प्राथमिकतामा राखेर सबै भन्दा बँधेर् बजेट सडक निर्माण र स्तरोन्नतिमा राखेको गाउँपालिका अध्यक्ष मिना कार्की बस्नेतले बताउनुभएको छ । उहाँले चालु आर्थिक वर्षमा पहिलो प्राथमिकता सडक विकासलाई दिइएको भन्दै सडक साेलिङ, स्तरोन्नती र मर्मतमा धेरै बजेट खर्च भएको बताउनुभएको छ ।

गाउँपालिकाले छुट्टाएको विकासे बजेट १२ करोड, संघिय सरकार र प्रदेश सरकारबाट प्राप्त समान १ ÷१ करोड गरि १४ करोड रुपैयाँ बजेट कार्यान्वयनका लागी वडा तथा पालिकामा ६१ योजना सञ्चालन गरिएको थियो । उक्त योजनाहरु मध्ये पहिलो प्राथमिकता सडक, दोश्रो प्राथमिकता शिक्षा र स्वास्थ्य रहेकोमा सबै क्षेत्रको विकास लाई निरन्तर बाढी बढाइँदै लगिने अध्यक्ष कार्कीले बताउनुभएको छ । उहाँले आगामी आर्थिक वर्षको बजेट नीति तथा कार्यक्रम निर्माणका लागी पनि काम भइरहेको भन्दै उहाँले आउने वर्ष प्रशासकीय भवन निर्माण सुरु गर्नको लागी आवश्यक बजेट विनियोजन गर्ने बताउनुभएको छ । उहाँले सडक पूर्वाधारको विकास सँगै गाउँपालिकामा स्वास्थ्य क्षेत्रको विकासलाई पनि प्राथमिकतामा राख्ने बताउनुभयो ।