सगरमाथा क्षेत्र उच्च स्थानको डम्पिङ साइट बन्दै गयो : रास्वपा सांसद गौतम

जेठ ३१, सोलुखुम्बु । सगरमाथा क्षेत्र उच्च स्थानमा रहेको डम्पिङ साइट भएको रास्वपाले चिन्ता व्यक्त गरेको छ । आज प्रतिनिधी सभा बैठकमा बोल्दै राष्ट्रिय स्वतन्त्र पार्टीकी सांसद सोभिता गौतमले सगरमाथा क्षेत्र उच्च स्थानको डम्पिङ साइटको रुपमा परिणत भइरहेकाे बताउनुभएको हो ।

उहाँले बैठकमा सभामुख देवराज घिमिरेलाई ध्यानाकर्षण गराउँदै हिमाल आरोहणका क्रममा उत्सर्जन हुने फोहोर मैला लगायतका कारण सगरमाथा क्षेत्र निकै ठुलो डम्पिङ साइटको रुपमा विकसित भइरहेको बताउनुभएको हो । उहाँले मानव मलमूत्र, प्लास्टिकजन्य फोहोरका कारण सगरमाथा क्षेत्रमा रहेका हिमतालहरू पग्लँदै जादा यसले विश्व वातावरणको क्षेत्रमा चिन्ता निम्त्याएको बताउनुभएको हो ।

उहाँले हामि सबैको साझा सम्पती कतिपय समुदायको भगवान समेत रहेको सगरमाथा क्षेत्रमा जुत्ता, कपडा, मलमूत्र, र निकाल्न बाकी रहेका शवहरूका कारण त्यहाँको हिउँ र पानीमा पिउरी अल्का लाइन र पोलीफ्लोरो अल्का लाइन फेला परेको भन्दे यो केमिकल मानव अस्तित्वका लागी खतराको विषय भएको उल्लेख गर्नुभएकाे छ ।

नेपालको अर्थतन्त्रमा ७ प्रतिशत योगदान पर्यटन क्षेत्रको रहेको र त्यसको मुख्य आधारस्तम्भ छ हिमाल र हिमशृङ्खला हुन भन्दै त्यसको उचित व्यवस्थापनका लागी सरकार गम्भीर हुनुपर्ने साँसद गौतमले बताउनुभएको छ ।