खोटाङमा आठौं साकेला सिली प्रतियोगिता सकियो किरात राई यायोख्खा देउराली प्रथम

असार १, सोलुखुम्बु । खोटाङमा आठौं साकेला सिली प्रतियोगिता सम्पन्न भएको छ । किरात सेवा समाज खोटाङ दिक्तेल एवम् किरात राई यायोख्खा जिल्ला कार्य समिति खोटाङ दिक्तेलको संयुक्त आयोेजनामा साकेला सिली प्रतियोगिता कार्यक्रम समापन भएको हो ।

शनिबार किरात सेवा समाजका अध्यक्ष ध्यान बहादुर राईको सभाध्यक्ष, जिल्ला समन्वय समिति खोटाङका प्रमुख सन बहादुर राईको प्रमुख आतिथ्यता प्रतियोगिता साकेला प्रतियोगिता आयोजना गरिएको संवाददाता उदिम चाम्लिङ राईले जानकारी दिनुभयो । उहाँँका अनुसार जम्मा २३ समुह रहेकोमा किरात राई यायोख्खा देउराली भोजपुर, प्रथम, रतन्छा युवा जनसांस्कृतिक समूह साकेला गाउँपालिका २ रतन्छा खोटाङ दोस्रो, पारुहाङ सेवा समाज रतन्छा तेस्रो भएका छन् । पहिलो, दोस्रो, तेस्रो र चौथो हुने प्रतियोगिहरुलाई क्रमश : २० हजार, १५ हजार, १० हजार र ५ हजार रुपैँया पुरस्कार प्रदान गरिएको छ ।

किराँत राईको प्रमुख चाड साकेलामा नाचिने साकेला सिली लोपोन्मुख बन्दै गएकाले सिलीको संरक्षण र प्रवद्र्धनका लागि प्रतियोगिता आयोजना गरिएको किरात सेवा समाजका अध्यक्ष ध्यान बहादुर राईले बताउनुभयो । ‘बाबुबाजेको अन्त्यसँगै साकेला सिलीको मौलिकता लोपोन्मुख अवस्थामा पुगेको छ। यसको पुस्तान्तरण हुन जरुरी छ’, अध्यक्ष राईले भने, ‘युवालाई संस्कार संस्कृतिको बारेमा जानकारी गराउने र संरक्षणका लागि सचेत बनाउने हाम्रो उद्देश्य हो।’

किरातीहरुको महान चाड साकेला उभौली २०८१ यलेदुङ संवत् ५०८४ को शुभ अवसरमा हलेशी तुवाचुङ नगरपालिकाकी मेयर विमला राई, दिक्तेल रुपाकोट मझुवागढी नगरपालिकाका उपमेयर विसन राई लगायत राजनैतिक दलका प्रतिनिधी, संघ संस्थाका प्रतिनिधिहरुको उपस्थिति रहेको थियो ।