थुलुङमा अपाङ्गता भएका व्यक्तीहरुको संस्थाको क्षमता अभिवृद्धि तालिम

असार ३, सोलुखुम्बु । सोलुखुम्बुको थुलुङ दुधकोशी गाउँपालिकामा अपाङ्गता भएका व्यक्तीको संस्थाको क्षमता अभिवृद्धि तालिम सम्पन्न भएको छ । अपाङ्गता रोकथाम तथा पुनः स्थापना कार्यक्रम अन्तर्गत सञ्चालित दुई दिने तालिम सम्पन्न भएको हो । गाउँपालिका प्रवक्ता भोजराज कार्कीका अनुसार दुई दिने तालिमको पालिका अध्यक्ष असिम राईले उद्घाटन साथै समापन गर्नुभएको छ । तालिममा पालिका स्तरीय संस्थाका ११ जनाको सहभागिता रहेको थियो ।

नेपाल अपाङ्ग महासंघका उपाध्यक्ष राम कार्कीले तालिमको सहजिकरण गर्नुभएको जनाइएको छ । समापन कार्यक्रममा गाउँपालिका अध्यक्ष असिम राईले कतिपय व्यक्तिहरु समाजबाट पछाडि परिरहेको भन्दै उनीहरुलाई दक्ष बनाउनका लागि तालिम आयोजना गरिएको उल्लेख गर्नुभयो । कार्यक्रममा करुणा फाउण्डेशनको सहकार्य तथा नेपाल अपाङ्ग महासंघको प्राविधिक सहयोग रहेको गाउँपालिकाले जनाएको छ ।