असार ३, सोलुखुम्बु । सोलुखुम्बुको थुलुङ दुधकोशी गाउँपालिका मुक्लीमा बाख्रा तथा बंगुरपालन सम्बन्धि तालिम सम्पन्न भएको छ । एकल महिला उद्यमशिलता विकास कार्यक्रम अन्तर्गत गाउँपालिकाद्धारा शुक्रबारबाट आयोजित तालिम समापन भएको हो । गाउँपालिका प्रवक्ता भोजराज कार्कीका अनुसार एकल महिलाहरुको आवश्यकता अनुसार गाउँपालिकाले सञ्चालन गरेको बताउनुभयो ।
कार्यक्रमको समापनमा बोल्दै गाउँपालिका अध्यक्ष असिम राईले पहिलो चरणमा वडा नम्बर ६ मा कार्यक्रम सञ्चालन गरिएको भएपनि यसलाई पालिका भरीनै विस्तार गरिने बताउँनुभयो । एकल महिलालाई घरपरिवार सञ्चालन देखि अन्य विविध समस्याको सामना गर्नुपरेको प्रति थुलुङ दुधकोशी सरकार गम्भिर रहेको भन्दै अध्यक्ष राईले अबको नीति तथा कार्यक्रममा ९ वटै वडाका एकल महिलालाई समेटिने बताउनुभयो । तालिममा वडा नम्बर ६ का २५ जना एकल महिलाहरुको सहभागिता रहेको थियो ।
Discussion about this post