सोलुखुम्बुका स्वास्थ्यकर्मीलाई प्राथमिक आँखा उपचार सम्बन्धी तालिम 

असार ११, सोलुखुम्बु  । हिमाली जिल्ला सोलुखुम्बुका स्वास्थ्यकर्मीलाई प्राथमिक आँखा उपचार सम्बन्धी २ दिने तालिम दिइएको छ । नेपाल आँखा कार्यक्रम तिलगंगा आँखा प्रतिष्ठान काठमाण्डौको आयोजना तथा एचसिपि क्योर व्लाइण्डनेसको आर्थिक सहयोगमा गत असार ९ र १० गते २ दिन आँखा उपचार सम्बन्धी तालिम सम्पन्न भएको हो ।

तालिममा जिल्लका ८ वटै पालिकाका स्वास्थ्यकर्मीहरूको उपस्थीति रहेको जिल्ला सामुदायिक आँखा केन्द्र सोलुखुम्बुका प्रमुख विधान ताम्राकारले बताउनुभयो । तालिममा  स्वास्थ्यकर्मीहरूलाई  स्थानीय स्तरमा आँखाको दृष्टि परिक्षण, आकस्मिक अवस्था पहिचान गरि प्राथमिक उपचारमा क्षमता अभिवृद्धि गरी समाजमा न्यून दृष्टि र अन्धोपना हटाउने उद्देश्य सहित प्रशिक्षण गरिएको प्रमुख ताम्राकारले बताउनुभयो । २ दिने तालिममा ८ ओटै पालिकाका २० जना स्वास्थ्यकर्मीहरू ५ पुरुष र १५ महिलाको सहभागिता रहेको जनाइएको छ ।

 तिलगंगा सर्जिकल आँखा केन्द्र सोलुखुम्बुको भवनमा सम्पन्न तालिमले सहभागीहरूमा आँखा स्वास्थ्यमा स्थानीय स्तरमा देखिने सामान्य समस्या पहिचान र त्यसको प्राथमिक उपचार गर्न सक्षम बनाउने विश्वास लिइएको प्रमुख ताम्राकारले बताउनुभयो । जिल्लमा हरेक वर्ष सञ्चालन गरिँदै आएको प्राथमिक आँखा उपचार सम्बन्धी यस पकारको तालिमबाट २० जना आँखा स्वास्थ्यकर्मी उत्पादन हुँदा आएका छन ।

 यसैक्रममा २०२४ का लागी पनि ९ र १० गते तालिम सम्पन्न भएको हो । तालिममा सहभागीहरूलाई बरिष्ठ नेत्र अधिकृत पुष्पबाबु बस्नेत र जिल्ला सामुदायिक आँखा केन्द्रका प्रमुख ताम्राकारले प्रशिक्षण गराउनुभएको जनाइएको छ ।