नेपाली कला र संस्कृतिमा रमाउदै विदेशी नागरिक

असार २५, सोलुखुम्बु । हिमाली जिल्ला सोलुखुम्बु घुम्नका लागि विदेशी नागरिकको आकर्षण बढ्दो छ । धार्मिक, सांस्कृतिक तथा प्राकृतिक रुपमा विविधतायुक्त सोलुखुम्बुको मौलिकतामा विदेशी पर्यटक औधी रमाउने गरेका छन् ।

नेपाली कला, संस्कृति, रहनसहन र प्राकृतिक छटाले उनीहरुलाई लोभ्याएको छ । मंगलबार सोलुखुम्बुमा अमेरिकाका १६ जना नागरिकहरुले सारी चोली र दौरा सुरवालमा सजिएर नाच गान गरेका छन् । यस्तै उनीहरुले विभिन्न विद्यालयमा गई शिक्षण विधि, गुणस्तरीय विश्वव्यापी शिक्षा र मित्रता बढाउने विषयमा केन्द्रित अन्तरक्रियात्मक कार्यक्रमहरु समेत आयोजना गरेका छन् ।

यस्ता कार्यले दुई देशबीचको सांस्कृतिक सम्बन्ध विस्तार हुने र कला पर्यटनमा समेत टेवा पुग्ने द स्मल वल्ड नेपाल (टिएसडब्लु) अध्यक्ष कर्मा शेर्पाले बताउनुभयो । नेपालमा पर्यटन प्रवद्र्धन गर्न हिमाल मात्र नभई यहाँको कला, संस्कृतिले समेत आफुहरुलाई लोभ्याउने प्रतिक्रिया दिएका छन् ।