सोलुदुधकुण्ड नगरपालिका ७ ले गर्याे, एक आर्थिक वर्षमा ९ लाख बढी राजश्व संकलन

असार २८, सोलुखुम्बु । सोलुदुधकुण्ड नगरपालिका वडा नम्बर ७ ले एक आर्थिक वर्षमा ९ लाख बढी राजश्व सङ्कलन गरेको छ । वडा कार्यालयले गत साउन महिनादेखि असार २७ गतेसम्म विभिन्न शीर्षकमा ९ लाख ५ हजार २ सय रुपैयाँ राजश्व सङ्कलन गरेको हो ।

सोलुदुधकुण्ड नगरपालिका वडा नम्बर ७ गार्माका वडा अध्यक्ष सोनाम ग्याल्जेन शेर्पाका अनुसार भूमिकर (मालपोत) मार्फत २ लाख ८६ हजार १ सय २९ दशमलव ६०, भर वहाल कर ५४ हजार, व्यवसाय कर १६ हजार ५ सय र सेवा शुल्क दस्तुरबाट ३ लाख २६ हजार ४ सय रुपँैया राजश्व संकलन गरेको छ ।

यस्तै ढुगां, गिटी, बालुवा कर १४ सय, पर्यटन उद्योग शुल्क ४ हजार, काष्ठ उद्योग, काठ चिरान तथा निकासाका लागि सिफारिस शुल्क १ लाख ९४ हजार ८ सय ५०, गैर सरकारी संंस्था दर्ता, नविकरण, सूचिकृत तथा कार्यक्रम स्वीकृति शुल्क १ हजार र अन्य विषयमा कर तथा शुल्क २१ सय १ दशमलब ५५ रुपँैया राजश्व संकलन गरेको वडा अध्यक्ष शेर्पाले जानकारी दिनुभयो ।

वडाले अनलाइन मार्फत नगरपालिकाको खातामा रकम दाखिला गरिसकेको जनाएको छ । सेवा प्रवाह प्रभावकारी भएकाले वडा राजश्व बढी संकलन भएको भन्दै वडा अध्यक्ष शर्पाले वडा बासीहरुलाई धन्यवाद समेत व्यक्त गर्नुभएको छ ।