सोलुखुम्बुमा प्रहरीले गर्याे, मृगको बच्चा उद्धार

साउन २, सोलुखुम्बु । जिल्ला प्रहरी कार्यालय सोलुखुम्बुले एक मृगको बच्चाको उद्धार गरेको छ । बुधबार जिल्लाको सोलुदुधकुण्ड नगरपालिका वडा नम्बर ५ सल्लेरीबाट एक मृगको बच्चाको उद्धार गरेको हो ।  बिहान करिब ११ बजेको समयमा नयाँ बजारमा पुगेको प्रहरीको टोलीले उक्त बच्चाको उद्धार गरेको जिल्ला प्रहरी कार्यालय सोलुखुम्बुका प्रहरी निरीक्षक तथा सुचना अधिकारी लक्ष्मण गिरीले जानकारी दिनुभयो ।

उहाँका अनुसार अन्दाजी ३ देखि ४ महिनाको जस्तो देखिने मृगको बच्चा हिडडुल गर्दै गरेको अबस्थामा फेला परेकाले तत्काल डिभिजन वन कार्यालय सोलुखुम्बुमा खबर गरिएको थियो । खबर पाए लगतै डिभिजन वन कार्यालय सोलुखुम्बुका कर्मचारीहरु आएसँगै उनीहरुलाई जिम्मा लगाइएको जनाईएको छ ।