माप्य दुधकोशी गाउँपालिका ५ ले काठमाडौँबाट सेवा प्रदान गर्दै

साउन ५, सोलुखुम्बु । माप्य दुधकोशी गाउँपालिका वडा नम्बर ५ ले काठमाडौँबाट सेवा प्रदान गरिरहेको छ । काठमाडौँमा बसोबास गरिरहेका वडाका वृद्धवृद्धाहरुलाई विशेष प्राथमिकतामा राखि सेवा प्रदान गरिरहेको वडा अध्यक्ष अविरल वाइवाले जानकारी दिनुभयो ।

वडा अध्यक्ष वाइवाका अनुसार साउन ४ गते शुक्रबार देखि सामाजिक सुरक्षा भत्ता वितरण साथै नविकरण, जन्मदर्ता, विवाह दर्ता लगायत वडाबाट प्रदान गरिने सेवाहरु सेवा प्रदान गरिरहेको छ । काठमाडौँदेखि सोलुखुम्बु आवतजावतका क्रममा सामाजिक सुरक्षा भत्ता बराबर पाउने रकम आवतजावतमा खर्च हुने बताउँदै वृद्धवृद्धाहरुको सहजताका लागि राजधानी काठमाडौँबाटै सेवा प्रदान गरिएको वहाँको भनाई छ ।

सेवाग्राहिको विवरण भने आउन बाकीँ रहेको छ । वडा कार्यालयले यही सेवा गत वर्ष समेत प्रदान गरेको भन्दै यस वर्ष पनि निरन्तरता दिइएको हो । गत वर्ष भने ६७ जना वडाबासीहरुले सेवा लिएका थिए ।