सोलुखुम्बुमा सवारी दुर्घटनाको अधिकांश कारण सडकको दुरावस्था   

साउन ६, सोलुखुम्बु ।  हिमाली जिल्ला सोलुखुम्बुमा सवारी दुर्घटनाको अधिकांश कारण सडकको दुरावस्थाले भएको पाइएको छ ।  जिल्लामा सडक दुर्घटनाको ३ वर्षीय आँकडा हेर्दा दुर्घटना प्राय सडकको अवस्थाका कारण हुने गरेको रहेको पाइएको हो ।

यद्यपि  जिल्लामा सडक दुर्घटनाको अवस्थामा सुधार हुदैँ आएको पनि देखीएको छ ।  आर्थिक वर्ष ०७८/७९ देखी हाल सम्म जिल्लामा सडकको अवस्थाका कारण १५ दुर्घटना भएका छन ।  यस्तै त्रिवर्षीय आँकडाको तुलना गर्दा जिल्लामा सवारी दुर्घटनाका घटना वर्षेनी कम हुँदै आएको पाइएको हो । ट्राफिक प्रहरी कार्यालय सोलुखुम्बुको तथ्याङ्कको आधारमा जिल्लामा यस विगत ३ आर्थिक वर्षको सवारी दुर्घटना सङ्ख्या ५४ वटा रहेको छ ।

आर्थिक वर्ष २०७८/७९ देखी हाल सम्म जिल्लामा भएको उक्त सङ्ख्याको सवारी दुर्घटना मध्ये सबै भन्दा धेरै आर्थिक वर्ष २०७८/७९ मा ३१ वटा सवारी दुर्घटना भएको थियो भने यस वर्ष ४ जनाले ज्यान गुमाएका थिए । त्यस पछिको आर्थिक वर्षमा २०७९/८० मा त्यो सङ्ख्या ह्वात्तै घटेर १२ मा झरेको थियो । यो वर्ष १ जनाले सवारी दुर्घटनाबाट ज्यान गुमाएका थिए भने गत आर्थिक वर्ष २०८०/८१ मा ११ वटा सवारी दुर्घटनाका घटना भएका थिए । तर जिल्लामा सवारी दुर्घटनाका अधिकांश कारण सडकको अवस्था देखिएको छ  ।

यो ३ वर्षमा सडकको अवस्थाका कारण जिल्लमा १५ वटा, १३ वटा दुर्घटना तीब्र गतिमा सवारी हाँकेका कारण भएको छ ।  अन्य विभिन्न कारण २५ वटा सवारी दुर्घटना भएको तथ्याङ्क छ ।  सवारी दुर्घटना कम गर्न सडकको अवस्था सुधार गर्नुपर्ने सरोकारवाला बताउँछन ।  वर्षायाममा हिलाम्मे र हिउँद याममा धुलाम्मे सडक सञ्जालका कारण सडक दुर्घटना निम्तिने र त्यसले मानवीय क्षति हुने चालकहरूको भनाई छ   ।