ओखलढुङ्गाका पाइलट सुशान्त सौर्य विमानको दुर्घटनामा अस्ताए

साउन ९, सोलुखुम्बु ।  बुधबार काठमाण्डौमा भएको सौर्य एयरलाइन्सका को पाइलट सुशान्त कटवाल ओखलढुङ्गाका रहेको खुलेको छ ।  दुर्घटनाबाट ज्यान गुमाउने कटवाल ओखलढुङ्गाको सुनकोशी गाउँपालिका वडा नम्बर ७ च्यानमका रहेको खुलेको हो ।

घरको एक्लो छोरा सुशान्त विगत डेड वर्ष देखी सौर्य एयरलाइन्समा को पाइलटका रुपमा कार्यरत थिए  । ओखलढुङ्गाका पुर्व जिल्ला शिक्षा अधिकारी ओमबहादुर कट्वालका एक्लो छोरा सुसान्त २७ वर्षका थिए । सानै देखी तिक्ष्ण बुद्धिका सुशान्तको पाइलट बन्ने सपना पुरा भएको थियो । तर त्यो सपना र ओखलढुङ्गाको एउटा तारा बुधबार त्रिभुवन विमानस्थलको एउटा चौरीमा अस्तायो ।

सौर्य एयरलाइन्सको ९ एन एमइ जहाज बिहान विमानस्थलबाट ११ः११ मा उडान भरेको थियो ।

उडान भरेको एक मिनेटमै जहाज विमानस्थल क्षेत्रमै बजारियो र सुशान्त सहित १८ जनाको एकै ठाउँमा मृत्यु भयो । सि चेकका लागी चालक दलका दुई सदस्य र अन्य इन्जिनियर सहित उडेको विमान दुर्घटनामा परेको हो ।