साउन १८, सोलुखुम्बु । सोलुखुम्बुको महाकुलुङ गाउँपालिका वडा नम्बर ३ मा सञ्चालित ‘एक घर एक धारा’ कार्यक्रम मार्फत ५ सय बढी घरधुरी स्वच्छ खानेपानीको पहुँचमा पुगेका छन् ।
वडा कार्यालयको पहल तथा विभिन्न संघसंस्थाहरुको सहयोगमा आर्थिक वर्ष २०७७/०७८ बाट सुरु गरिएको कार्यक्रम अन्तर्गत हाल सम्म ५ सय ९५ घरधुरी स्वच्छ खानेपानीको पहुँचमा पुगेका हुन् । हिउँदको सयममा पिउने पानीको अभावमा स्थानियबासीहरुले सामूहिक रूपमा धाराको पानी उपभोग गर्दै आएका थिए ।
उनीहरुको समस्यालाई मध्यनजर गर्दै अहिले आफ्नै धाराबाट सहजै पानी उपाभोग गर्न थालेको महाकुलुङ गाउँपालिका वडा नम्बर ३ का वडा अध्यक्ष दुर्गा बहादुर राईले जानकारी दिनुभयो । उहाँका अनुसार गत आर्थिक बर्ष २०७९/ ०८० मा हिमालयन ड्रिम्स फाउन्डेसन नेपाल र स्वीस होप शेर्पा स्विट्जरल्यान्डको सहकार्यमा एक घर एक धारा निमार्ण कार्यको सुरुवात गरिएको थियो ।
Discussion about this post