सय जनालाई निशुल्क कम्प्युटर तालिम दिन नेविसङ्घ र ब्राइट फ्युचर बीच सम्झौता 

साउन १९, सोलुखुम्बु ।  १ सय जना लाई कम्प्युटर सिकाउने गरि नेविसङ्घ सोलुखुम्बु र ब्राइट फ्युचर अर्गनाइजेसन बीच सम्झौता भएको छ ।    साउन २१ गते सोमबार देखी लागू हुने आगामी १ वर्ष सम्म १ सय जना विद्यार्थीलाई आधारभुत कम्प्युटर तालिम प्रदान गर्ने गरि सम्झौता भएको नेपाल विद्यार्थी सङ्घ जिल्ला कार्य समिति सोलुखुम्बुका कार्यवाहक अध्यक्ष मोहन कृष्ण निरौलाले बताउनुभयो । कार्यावाहक अध्यक्ष निरौला र ब्राइट फ्युचर अर्गनाइजेसनका अध्यक्ष गेल्बु शेर्पा बीच भएको सम्झौता बमोजिम अव १ सय जना विद्यार्थीहरूले निःशुल्क रुपमा कम्प्युटर शिक्षाको आधारभुत तालिम प्राप्त गर्ने छन ।