ओखलढुंगामा फाईबर सेवा प्रभावकारी बन्दै गएको प्रमुख मर्हजनको दाबी

साउन २७, सोलुखुम्बु । नेपाल टेलिकम कार्यालय ओखलढुंगाका प्रमुख धर्मराज महर्जनले जिल्लामा फाईबर सेवा प्रभावकारी बन्दै गएको दाबी गर्नुभएको छ । गाउँगाउँमा नेपाल टेलिकमको फाईबर सेवा विस्तार तिव्र भएसँगै उहाँले यस्तो दाबी गर्नुभएको हो ।

टेलिकमले जिल्लामा फाईबर एफटिटीएच सेवा २०७८ साल देखि शुरु गरेको थियो । टेलिकमको तथ्यांक अनुसार हालसम्म जिल्लामा २ हजार १४ लाइन जडान गरी सकिएको छ । टेलिकमले फाईबर सेवा अन्तरगत तीन प्रकारको सेवा इन्टरनेट, भोईस अर्थात फोन र टेलिभिजन सेवा दिईरहेको छ ।

पुरानो कपर केवल सेवा भन्दा फाईबर सेवा प्रभावकारी भएकाले यस तर्फ लाभग्राहीहरु समेत बृद्धि भएको प्रमुख महर्जनको भनाई छ । पुरानो कपर केवलबाट जिल्लामा ४ सयको हाराहारीले सेवा लिएका थिए ।

ग्राहकले अहिले फाईबर मार्फत इन्टरनेट, फोन र टेलिभिजन समेतको सेवा पाउने भए पछि यसको प्रयोग कर्ता बढेको जनाईएको छ । जिल्लाको सदरमुकाम पेरीफेरी, रुम्जाटार, रामपुर, ठाडे, बिप्लाटे, चित्रे लगायत गाउँवस्तीसम्म सेवा पुगीसकेको बताइएको छ ।