अपाङ्गता सहायक सामग्री वितरण गर्दै पालिका अध्यक्ष असिम राई

साउन ३१, सोलुखुम्बु । सोलुखुम्बुको थुलुङ दुधकोशी गाउँपालिकाद्वारा अपाङ्गता भएका व्यक्तिहरुको लागि सहायता सामाग्री वितरण गरिएको छ । बिहिवार एक कार्यक्रमका वीच गाउँपालिका अध्यक्ष असिम राईले वडा नम्बर ६ का अपाङ्गता भएका नागरिकहरुलाई आवश्यकता र मागको आधारमा लठ्ठी, बैशाखी, थेरापी सम्बन्धी सामाग्री, श्रवण सहायता लगायतको सामाग्री वितरण गर्नुभएको हो ।

अपाङ्गता रोकथाम तथा पुनस्थापना कार्यक्रम सामाजिक विकास मन्त्रालय कोशी प्रदेश सरकार, थुलुङ दुधकोशी गाउँपालिका र करुणा फाउन्डेसन नेपालको त्रीपक्षिय लागत साझेदारिमा संचालन भएको यो कार्यक्रम अपाङ्गता भएको व्यक्तिहरुको स्वास्थ परिक्षण, आवश्यकता पहिचान र परिचयपत्र वितरण” समुदायमा आधारित पुनस्थापना सम्बन्धिको यस कार्यक्रम विशेषज्ञ टोलिद्वारा पहिचान गरिएको आधारमा अपाङ्गता भएको व्यक्तिहरुको सहायता सामाग्री खरिद गरि वितरण गरिएको वडा नम्बर ६ का वडा अध्यक्ष महेन्द्रदीप राईले जानकारी दिनुभयो ।

यसअगाडि बाटै सहयोगको कार्यक्रम गरिरहेको स्थानीय सरकार र सहयोगी संस्थाहरुलाई अपाङ्गता भएका व्यक्तिहरुले खुशी व्यक्त गर्दै धन्यवाद दिनुभयो ।