द ब्राइट फ्युचर कम्प्युटर सेन्टरले दियो, एक वर्षमा २ सय जनालाई निःशूल्क कम्प्युटर तालिम

साउन ३२, सोलुखुम्बुमा । सोलुखुम्बुको सदरमुकाम सल्लेरीमा सञ्चालित द ब्राइट फ्युचर कम्प्युटर सेन्टरले २ सय प्रशिक्षार्थीहरुलाई निः शुल्क तालिम दिएको छ । वि.सं २०८० साल साउन महिनाबाट सुरु गरेको निःशुल्क तालिम अन्तर्गत एक वर्षमा २ सय जनालाई तालिम दिइएको हो ।

द ब्राइट फ्युचर कम्प्युटर सेन्टरका संस्थापक मिङमार शेर्पाका अनुसार एक वर्षको अवधिमा उक्त विद्यार्थीहरुलाई तालिम दिन सफल भएको भन्दै आफुले गर्व महसुस गरेको बताउनुभएको छ । कम्प्युटर शिक्षा आजको आवश्यकता भन्दै सञ्चालन गरिएको संस्थाबाट आर्थिक अवस्था कमजोर र कम्प्युटर सिक्न इच्छुक विद्यार्थीलाई नि : शुल्क शिक्षा प्रदान गर्दै आएको ब्राइट फ्युचर अर्गनाइजेसनका अध्यक्ष गेल्बु शेर्पाले जानकारी दिनुभयो ।

यस तालिम सेन्टरले प्रशिक्षार्थीहरुको उज्ज्वल भविष्यको मार्गप्रशस्त गर्दै डिजिटल सीपहरू प्रदान गरेको उल्लेख गर्नुभयो । पहिलो वार्षिकोत्सवको अवसरमा संस्थाका लागि योगदान गर्नु हुने सम्पूर्णमा आभार समेत व्यक्त गरेको छ ।