दुधकुण्ड मेलामा पुगेका भक्तजनहरुको सशस्त्र प्रहरी बलले गर्याे स्वास्थ्य जाँच

भदौ ४, सोलुखुम्बु । जनै पूर्णिमाको अवसरमा सोलुखुम्बुको दुधकुण्ड दर्शनमा गएका भक्तजनहरुलाई सशस्त्र प्रहरी बल आश्रित गुल्म सोलुखुम्बुले स्वास्थ्य जाँच तथा उदार गरेको छ । सोलुदुधकुण्ड नगरपालिका १ मा टाक्सिन्दुमा अवस्थित दुधकुण्ड पुगेका करिब ६० जना भक्तजनको सशस्त्र प्रहरी बलको टोलीले स्वास्थ्य जाँच गरेको हो ।

सशस्त्र प्रहरी बल आश्रीत गुल्म सोलुखुम्बुवाट सहायक प्रहरी नायब निरिक्षक युवराज राउतको कमाण्डमा खटिएका ११ जनाको सशस्त्र प्रहरी टोलीले निशुल्क स्वास्थ्य जाँचका साथमा औषधी समेत वितरण गरेको जनाएको छ ।

भक्तजनहरुको स्वास्थ्य अवस्थालाई मध्यनजर गर्दै प्रहरीले सक्रियताका साथ शिविर खटेको र मेला सकिएसँगै दुधकुण्ड मन्दिरतथा पोखरीको सरसफाई समेत गरेको हो । जनै पूर्णिमाको अवसरमा मेला लाग्ने सोलुखुम्बुको सानो दुधकुण्ड फाप्लु र चाँगेस्थान लगायत्का क्षेत्रमा समेत सशस्त्र प्रहरी बल पुगेको थियो ।