फोहोर विसर्जनस्थलमा भेटिएको शवको पहिचान खुल्यो

भदौ ६, सोलुखुम्बु । उदयपुरको कटारी नगरपालिका–३ राजावासस्थित फोहोर विसर्जनस्थल (डम्पिङ साइट) मा आज बिहान फेला परेको बेवारिसे शवको पहिचान खुलेको छ । इलाका प्रहरी कार्यालय कटारीका प्रमुख प्रहरी नायब उपरीक्षक सुभाष राईका अनुसार उक्त शव जिल्लाकै ताप्लि गाउँपालिका–१ का ५० वर्षीय कृष्णबहादुर दमाईको हो ।

दमाईको नाति पर्ने ३४ वर्षीय मिनबहादुर परियारले शवको आज साँझ शवको पहिचान गरेका हुन् । बेवारिसे शवलाई प्रहरीले कटारी अस्पतालमा शव परीक्षणका लागि राखेको थियो । कटारी–३ राजावासका स्थानीय देव ढुङ्गेलका अनुसार बिहान फोहोर विसर्जनस्थलमा काम गर्ने स्थानीय पुग्दा उनको शव देखेका थिए ।