मुस्ताङको थासाङमा हिमपहिरो, थुनियो बोक्सीखोला

भदाै ७, साेलुखुम्बु ।    मुस्ताङको थासाङ गाउँपालिका-२ मा हिमपहिरो गएको छ। हिमपहिरो स्थानीय बोक्सी खोला भन्दा आधा घण्टामाथि रोकिएको हो । कुनै पनि बेला उक्त पहिरो बगेर तल आउने भएकाले त्यसको जोखिम आंकलन भइरहेको प्रमुख जिल्ला अधिकारीले जानकारी दिनुभयो ।

उक्त पहिरो बगेर एककिलोमिटर तल आइपुग्यो भने कालीगण्डकीमा पुग्छ। हिम पहिरोबारे थप विवरण आउन बाँकी छ। प्रशासनले स्थानीयका लागि अलर्ट जारी गरेको छ।पहिरोका कारण जोखिममा परेका केही घरका मानिसहरूलाई अहिले सुरक्षित स्थानमा सारिएको मुस्ताङका प्रमुख जिल्ला अधिकारी जनकराज पन्तले जानकारी दिनुभयो । मुस्ताङको थासाङ गाउँपालिका-२ मा धौलागिरि हिमालबाट खसेको हिमपहिरोले आज शुक्रबार दिउँसो बोक्सीखोला थुनिएको हो ।

बोक्सेखोला कालीगण्डकी नदीको सहायक खोला हो। मुलखर्क भन्ने ठाउँको पहाडको खोँचमा हिमपहिरो थुप्रिँदा बोक्सीखोलामा पानीको मात्रा घटेको थासाङ गाउँपालिका-२ कोवाङका वडा अध्यक्ष गौतम शेरचनले बताउनु भयो ।

शुक्रबार दिउँसो करिब १ः३० बजेतिर धौलागिरि हिमालको फेदबाट हिमपहिरो खसेर खोँचमा थुप्रिएको हो  । हिउँको थुप्रोले खोलामा पानीको मात्रा घटेको छ।
जिल्ला प्रशासन कार्यालय मुस्ताङले बोक्सेखोलाको तटीय क्षेत्रमा सतर्कता अपनाउन सार्वजनिक सूचना जारी गरेको छ। आसपासमा बस्ती नभएपनि बेनी-जोमसोम सडक बोक्सीखोला किनारमा पर्दछ।

कोवाङमा रहेका मुस्ताङका प्रमुख जिल्ला अधिकारी जनकराज पन्तले हिमपहिरो थुप्रिएको ठाउँमा सशस्त्र प्रहरीको टोली पठाएको बताउनु भयो । ‘ड्रोनबाट हिमपहिरो थुप्रिएको ठाउँको अवलोकन गर्दा खोला थुनिएर तलाउ बनेको नदेखिएकाले जोखिम कम हुने अनुमान गरेपनि सतर्कता अपनाउनुपर्ने उहाँको भनाइ छ ।‘बेनी-जोमसोम सडकमा यात्रा गर्नेलाई बोक्सीखोला छेउछाउमा सतर्कता अपनाउन आग्रह गरिएको छ। खोलाको छेउछाउ चराउन लगिएका वस्तुभाउ र घाँसदाउरा गर्न गएका किसान पनि सुरक्षित ठाउँतर्फ गएका छन्।

केही दिन अगाडी मात्र हिम पहिरोले सोलुखुम्बुको थामेमा गाउँ सबै पुरेको थियो । त्यहाँ मानवीय क्षति नभएपनि धेरै धनको हानी भएको थियो ।