ईसेवाबाट पैसा ठग्नेहरू बढ्दै, यस्तो गरेर लुट्दारहेछन्, बैलैमा सचेत रहौँ

भदाै ७, साेलुखुम्बु ।    डिजिटल वालेट (ईसेवा) ले रकम ट्रान्सफर सहज बनाउन सुरु गरेको ‘अफलाइन ट्रान्सफर सेवा’ दुरुपयोग गरेर आपराधिक मनोवृत्ति भएकाहरूले ठग्न थालेका छन् । तपाइलाई अपरिचित मानिसले फोन गरेर नामै किटेर भन्छन्, ‘तपाइँको म्यासेज बक्समा एउटा कोड आएका छ, मलाई पठाउनुस् न ।
त्यतिन्जेल सम्म स्क्यामरले पीडितकै नम्बरबाट ईसेवा वालेटमा ‘अफलाइन ट्रान्सफर सेवा’ मार्फत रकम ट्रान्सफर गर्न रिक्वेस्ट पठाइसकेका हुन्छन् । पीडितकै नम्बर प्रयोग गरेर उनीहरूले रिक्वेस्ट पठाउने हुनाले डिजिटल वालेट कम्पनीले अविश्वास गर्न सक्ने अवस्था नहुने साइबर ब्युरोका प्रवक्ता (एसपी) दीपकराज अवस्थीले बताउनु भयो ।

ईसेवाको ‘एसएमएस मोड’ मा गरेको रिक्वेस्ट अनुसार जेनेरेट भएको कोड नम्बर दिँदा ई-सेवा प्रयोगकर्ताको खातामा भएको रकम गिरोहले तत्काल ट्रान्सफर गर्न सक्छन् । आरोपीहरूले ई-सेवा प्रयोगकर्ताहरूको नम्बर ट्रु कलरबाट पत्ता लगाउने गर्छन् । ‘नम्बर पाएपछि ट्रुकलरबाट नाम पत्ता लगाएर उनीहरुले नामै लिएर कल गर्ने गरेका हुन् ।’

फोन गर्दासम्म स्क्यामरले इसेवा प्रयोगकर्ताको खातामा भएको रकमको विवरण पत्ता लगाइसक्छन् । इन्टरनेट प्रयोग नगरीकन त्यस्तो सेवा लिन सकिने सुविधाको दुरुपयोग गरेर उनीहरुलेठग्ने गर्दछन् । ब्यालेन्स ट्रान्सफर गर्ने सो सुविधा अन्तर्गत ३२१२१ नम्बरको दुरुपयोग गरेर स्क्यामरले ठग्ने गरेका हुन् ।

साइबर ब्युरोमा आउने यस्ता घटनाबारे प्रहरीले अनुसन्धान गरिरहेको छ । हालसम्म आएका निवेदनमाथि अनुसन्धान गरेर मुद्दा दायर गरिएको एसपी अवस्थीले जानकारी दिनुभयो । कुनै ठगीले म ईसेवा कम्पनीबाट बोलेको भनेर पनि भन्ने गर्दछन् ।

सोलुखुम्बु, भोजपुर, खोटाङ लगायतका पहाडी जिल्लामा पनि यो क्रम बढेको छ । शिक्षित र सबैकुरा बुझ्न सक्ने व्यक्तिकै पनि धेरै रकम ठगी भएको छ । यसमा तपाईको विचार के छ ? यसमा ई सेवाले किन कडाई गर्न नसकेको होला ? ठगी हुने, आफ््नो व्यक्तिगत विवरण ह्याक हुने क्रासले धेरै मानिसहरुले यस्तो एप्सहरु अनस्टाल गरिरहेका छन् ।

बैङक तथा वित्तिय संस्थाको अकान्ट पनि ह्याक हुने, एटिएम कार्डको दुरुप्रयोग गर्ने, अन्य व्यक्तिको फोटो राखि सोसल मिडियाका अकान्उट बनाउने जस्ता अपराधजन्य घटना नेपालमा बढिरहेका छन् । यस्ता कारण बढ्दै जादाँ जो कोहीको सुरक्षा माथि प्रश्न आउँछ । बेलैमा सबै सरोकारवाला र सम्बन्धित निकाय मिलेर यस्तो अपराधजन्य घटना छिटो भन्दा छिटो हटाउनु पर्ने देखिन्छ । नत्र यस्ता गिरोहहरु ऋझ सक्रिय हुने र आम सर्वसाधरण ठगीन पुग्छन् ।