अखिल क्रान्तिकारी ओखलढुङ्गाले चिशंखुगढीको एक विद्यालयमा गठन गर्यो इकाई समिति 

भदौ १६, सोलुखुम्बु  ।  अखिल ( क्रान्तिकारी ) ओखलढुङ्गाले चिशंखुगढी गाउँपालिका वडा नम्बर २ स्थित एक विद्यालयमा इकाई समिति गठन गरिएको छ । अखिल क्रान्तिकारीका केन्द्रिय सदस्य एवं जिल्ला अध्यक्ष सुशान्त लामा र केन्द्रिय सदस्य सुमन घिमिरेको उपस्थितिमा गाउँपालिकाको सरस्वती माध्यमिक विद्यालयमा इकाई समिति गठन भएको हो ।  विद्यालयमा अध्ययनरत विद्यार्थी दिपेन्द्र घिमिरेको अध्यक्षतामा २० सदस्यीय इकाई कमिटी गठन गरि सदस्यता वितरण गरिएको जनाइएको छ ।

इकाई समितिको उपाध्यक्षमा नारायण घिमिरे र कमल घिमिरे, सचिवमा सविना घिमिरे, सहसचिवमा देवराज घिमिरे र सहसचिव तेजेन्द्र घिमिरे, कोषाध्यक्ष समीर भण्डारी  चयन हुनुभएको छ । कमिटी गठन गर्ने क्रममा अध्यक्ष सुशान्त लामाले  सङ्गठन बिस्तार गर्न बाधा सृजना गर्ने पूर्वाग्रह तथा सङ्कीर्ण सोच र प्रवृत्तिको अखिल क्रान्तिकारीले खारेज गर्ने दावी गर्नुभएको छ ।

 साथै उहाँले युवा विद्यार्थीहरूलाई कुनै पनि क्षेत्रमा निराश हुने छुट नभएको भन्दै अखिल क्रान्तिकारी सहजतामा भन्दा बढि  प्रतिकुलतामा आफूलाई स्थापित गर्ने तागत राख्ने सङ्गठन भएको जिकिर गर्नुभयो ।