साल्मे–सिस्नेरी सडक पहिरोले अवरुद्ध

भदौ १८, सोलुखुम्बु । सिद्धिचरण राजमार्ग अन्तरगत सोलुखुम्बु र ओखलढुङ्गा जोड्ने सडक साल्मे सिस्नेरी सडक पहिरोले अवरुद्ध भएको छ । सोलुदुधकुण्ड नगरपालिका–११ को साल्मेमा निरन्तर वर्षातका सहितको पहिरो झर्दा मंगलबार दिउँसो २ : ३५ बजेको समयबाट उक्त सडक अवरुद्ध भएको हो ।

सोलुखुम्बु जाने र त्यहाँबाट फर्किने सवारी साधनहरू रोकिएका छन् । अवरुद्ध सडक खुलाउने प्रयास भइरहेको जिल्ला प्रहरी कार्यालय सोलुखुम्बुका प्रमुख प्रहरी नायब उपरीक्षक द्वारिका प्रसाद घिमिरेले बताउनुभयो । साल्मे भीरको पहिरोले हरेक वर्ष यो सडक खण्ड अवरुद्ध हुने गरेको छ ।