भदौ १८, सोलुखुम्बु । सोलुखुम्बुको थुलुङ दुधकोशी गाउँपालिका वडा नम्बर १ स्थित मैरेखोलामा अवरुद्ध भएको सडक सुचारु गरिएको छ । मंगलबार दिउँसो २ ः ४५ बजेको समयमा अबरुद्ध भएको नेले— सोताङ जाने भित्री सडक सुचारु गरिएको हो ।
मैरे खोलाले बाढी सहितको ढुगां ल्याउदा सवारी साधन आवतजावतमा कठिनाई भएको थियो । ढुगांले सडक अवरुद्ध भएको जानकारी प्राप्त हुन साथ प्रहरी चौकी नेलेबाट प्रहरीको टोली खटिगई नेपाल प्रहरी र स्थानियबासीहरुको सहयोगमा ढुगां हटाइएको जिल्ला प्रहरी कार्यालय सोलुखुम्बुका प्रहरी प्रमुख एवं प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।
Discussion about this post