भदौ १७, नेचा सोलुखुम्बु । नेचासल्यान गाउँ पालिका ३ स्थित शहिद नरनाथ आ.वि मा निशुल्क स्टेसनरी वितरण तथा तिज विशेष कार्यक्रम सम्पन्न भएको छ । सोमबार पहिलो चरणको कार्यक्रम अन्तर्गत विद्यालयमा उपलब्ध ३ सय ३३ दर्जन स्टेसनरी सामाग्री कपी वितरण गरिएको छ ।
उक्त कापी सोमबार आयोजित कार्यक्रमका बिच विद्यालयका सम्पूर्ण विद्यार्थीहरूलाई वितरण गरिएको विद्यालयका व्यवस्थापन समिति अध्यक्ष धुर्व बहादुर भण्डारीले जानकारी दिनुभयो । विद्यार्थीलाई सहयोग गर्ने हेतुले निशुल्क स्टेसनरी सामाग्री बितरण कार्यक्रम अभियान अभिभावक भलाकाजी भण्डारी को संयोजकत्वमा सुरुवात भएको थियो भने पहिलो चरण अन्तर्गत निःशुल्क स्टेसनरी वितरण साेमबार हिजो विद्यार्थीलाई बितरण गरिएको सहकर्मी धन कुमार ढुङ्गेल ले जानकारी दिनुभयो ।
अभियान निरन्तर रुपमा अगाडी बढाउँदै सहिद नरनाथ आविमा अध्ययन गर्ने सम्पूर्ण विद्यार्थीलाई निशुल्क स्टेसनरी उपलब्ध गराइ रहने संयोजक भलाकाजी भण्डारीले प्रतिबद्धता व्यक्त समेत गर्नुभएको छ ।
सोमबार सम्पन्न कार्यक्रममा नेचासल्यान गाउँपालिका अध्यक्ष धनजन राईको प्रमुख आतिथ्यतामा सम्पन्न कार्यक्रममा गाउँपालिका उपाध्यक्ष बिना राईको विशेष आतिथ्यता रहेको थियो । यस्तै सो कार्यक्रममा केदार माध्यामिक विद्यालयका व्यवस्थापन समिति अध्यक्ष हेमराज कटेल, समाजसेवी जगनाथ बास्तोला, रीड नेपालका नेचासल्यान शिक्षा विकास प्रमुख सुजाता राई लगायतको उपस्थिति रहेको थियो ।
Discussion about this post