बाढी पहिरोले अवरुद्ध बनाएको सडक खुलाउन प्रहरी सकृय, नागरिकलाई सहज 

भदौ १८, सोलुखुम्बु  । पानी परेसँगै झर्ने पहिरोले, बाढी लगायतका कारण अवरुद्ध भएका सडक खुलाउन प्रहरी सकृय छ ।  हिमाली जिल्ला सोलुखुम्बुका विभिन्न सडक तथा खोलाहरूमा आएको बाढीले सडक माथिबाट पहिरो खस्ने, खोलामा आएको बाढीले सडकमा ढुंगा थुपार्ने कारणले अवरुद्ध भएका सडक खुलाउन प्रहरी सकृय रहेको हो ।

 मङ्गलबार दिउँसो जिल्लाको सदरमुकाम सल्लेरीबाट ओखलढुङ्गा तर्फ जाने सडक खण्ड सिद्धिचरण लोकमार्ग अन्तर्गत साल्मेमा झरेको पहिरोले अवरुद्ध बनाएको सडक जिल्ला प्रहरी कार्यालय सोलुखुम्बुबाट गएको प्रहरी टोली तथा सडक विभागका कर्मचारी तथा जेसीवि प्रयोग गरि खुलाएको छ ।

यस्तै जिल्लाकै सदरमुकामबाट नेलेहुदै सोताङ जाने सडक खण्डमा मैरेखोलााम आएको बाढीले अवरुद्ध बनाएको थियो । बाढीले ल्याएको ढुङ्गा सडकमा थुपरिँदा अवरुद्ध बनेको सडक प्रहरी चौकी नेलेबाट खटिएको प्रहरी टोलीले खुलाएको जिल्ला प्रहरी कार्यालय सोलुखुम्बुका प्रहरी नायव उपरीक्षक द्वारीका प्रसाद घिमिरेले बताउनुभयो । अहिले यि दुबै सडकमा सवारी साधन आवतजावत भइरहेको छ ।