शेर्पा समाज माप्य दुधकोशिको आयोजनामा दुई दिने नेतृत्व तथा क्षमता अभिवृद्धि प्रशिक्षण सम्पन्न

भदौ ३०, सोलुखुम्बु ।    शेर्पा समाज माप्य दुधकोशिको आयोजनामा दुई दिने नेतृत्व तथा क्षमता अभिवृद्धि प्रशिक्षण सम्पन्न भएको छ । काठमाडौको लाजिम्पाट सम्पदा गार्डेन होटेलमा यहि सेटेम्बर १३ र १४ अर्थात भदौ २८ र २९ गते कार्यक्रम सम्पन्न गरिएको हो ।

उक्त कार्यक्रममा पुर्व अस्ट्रेलिया राजदुत महेश राज दाहाले नेतृत्व विकासको क्षेत्रमा, दिगो पर्यटन क्षेत्रको लागि पेम्बा शेर्पा संगम , अनुशासन र आचरणको क्षेत्रमा पासाङ शेर्पा, प्रेरणा दिने विषयवस्तुमा विकास देव योञ्जन, आध्यात्मिकको क्षेत्रमा आचार्य सार्की शेर्पा, सफल पर्यटन उद्यमीको क्षेत्रमा मिङमा शेर्पा, व्यक्तिगत विकासको क्षेत्रमा कुल बहादुर गुरुङ, भाषण तथा उद्घोषण क्षेत्रको लागि अग्नि प्रसाद भट्टराई र  इन्जिनियर क्षेत्रको लागि पासाङ काजि शेर्पाले प्रशिक्षण दिनु भएको छ ।

यस कार्यक्रममा एक सय जना भन्दा बढी प्रशिक्षार्थीहरुको सहभागीता रहेको जनाइएकाे छ ।   पछिल्लो समयमा नेपालमा बद्दो बेरोजगारका साथै पेशा व्यवसाय गर्ने व्यवसायी समेतमा अन्योलमा परेको कारण आफ्नै देशमा रोजगार तथा सीप मुलक तालिमको लागि युवा पुस्तालाई लक्षित गरि खुल्ला प्रशिक्षण गरिएको संस्थाको महासचिव लाक्पा सोनाम शेर्पाले जानकारी दिनु भयो । नेतृत्व तथा क्षमता अभिवृद्धि जस्ता तालिमहरु हरेक व्यक्तिलाई आवश्यक रहेको र यसलेले नयाँ ढोका खोल्न सक्ने भन्दै शेर्पाले सबैलाई तालिम लिन आग्रह गर्नुभयो ।

तालिममा सहभागी प्रशिक्षार्थीहरुले संस्थाले आयोजना गरिएको कार्यक्रम गुणस्तरीय फलदायी भएको र आगामी दिनहरूमा पनि यस्तै फरक किसिमका प्रशिक्षण आयोजनाको माग समेत राखेको छन् ।