सल्लेरी मगर गुठीले गर्यो, चौधरीको उपचारका लागी २ लाख ६३ हजार बढी आर्थिक सहयोग

भदौ ३०, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ५ सल्लेरी आवाडाँडाका व्यवसायी मान बहादुर चौधरीको उपचारका लागि सल्लेरी मगर गुठीले आर्थिक सहयोग गरेको छ । अचेत अवस्थामा फेला परेका चौधरीको उपचारका लागि २ लाख ६३ हजार ३ सय ४५ सय रुपैँया सहयोग गरेको हो ।

आईतबार सल्लेरी मगर गुठीले ग्लोबल आई एम.ई बैंक मार्फत चौधरीका परिवारको खातामा रकम जम्मा गरिसकेको सल्लेरी मगर गुठीका अध्यक्ष नरेन्द्र राना मगरले बताउनुभयो । गुठीले सल्लेरी स्थित धौलागीरी होटलमा एक अनौपचारीक कार्यक्रम गरी संकलन गरिएका रकम बैंकमा जम्मा गरिदिएको जनाईएको छ । चौधरी यही भदौ १८ गते राती शसक्त रुपमा घाईते भई हाल काठमाडौं बाँसबारी स्थित न्यूरो अस्पतालमा उपचाररत छन् ।

उनी आवाडाँडामा फ्रेस मिट सप व्यवसायी सञ्चालक तथा सल्लेरी मगर गुठीका सदस्य समेत हुन् । रकम जम्मा गर्ने सन्दर्भमा सल्लेरी मगर गुठीका अध्यक्ष नरेन्द्र राना मगरले चौधरीको स्वास्थ्य लाभको कामना गर्दै सम्पूर्ण सहयोगीहरु प्रति आभार व्यक्त गर्नुभएको छ । यस्तै उनको उपचारका लागि थप आर्थिक सहयोगको आवश्यकता देखिएकाले सहयोग गर्न चाहने सहयोगीहरुका लागि आग्रह समेत गर्नुभएको छ । गुठीका उपाध्यक्ष कविता मगर कोषाध्यक्ष शिर कुमार मगर, सचिव शक्ति मगर, सदस्यहरुमा सुनिता मगर, हेमुका मगर, नर बहादुर मगर, सोम बहादुर मगर, टेक बहादुर मगर, बिन्दा मगर, चौधरी, लिला मगर, धन बहादुर मगर, चक्र बहादुर मगर, र ललित बहादुर मगरको उपस्थितीमा अनौपचारिक छलफल गरी खातामा रकम जम्मा गरिएको जनाइएको छ ।