भदौ ३०, सोलुखुम्बु । सोलुखुम्बुको सोताङ गाउँपालिका ३ मा अचार तथा आलु चिप्स बनाउने तालिम सम्पन्न भएको छ । वडा कार्यालयको समन्वय र घरेलु तथा साना उद्योग कार्यालय सोलुखुम्बुको आयोजनामा सञ्चालन गरिएको ७ दिने तालिम आईतबार सम्पन्न भएको हो ।
घरेलु तथा साना उद्योग कार्यालयका प्रमुख नारायण खतिवडाको अध्यक्षता तथा वडा अध्यक्ष गोकर्ण बस्नेतको प्रमुख आतिथ्यतामा तालिम समापन गरिएको कार्यक्रम संयोजक टेक बहादुर बस्नेतले जानकारी दिनुभयो । कृषकहरूको आय स्तरमामा वृद्धि गर्ने, स्थानीय स्तरमा फलेको आलुको चिप्सलाई प्राथमिकता दिने उद्देश्यले तालिम आयोजना गरिएको वडा अध्यक्ष बस्नेतले बताउनुभयो ।
महिलालाई घरैमा बसेर सानो पूँजीबाट स्वरोजगार बन्न सक्ने खालका तालिमहरु दिन अवश्यक रहेको उहाँले उल्लेख गर्नुभयो । तालिममा २० जना अचार बनाउने र २० जना आलुचिप्स बनाउने गरि ४० जना महिलाहरुको सहभागिता रहेको थियो । उक्त तालिममको रोजिना श्रेष्ठ र खेतराज कार्कीले सहजिकरण गर्नुभएको थियो ।
Discussion about this post