भदौ ३०, सोलुखुम्बु । उदयपुरको ताप्ली गाउँपालिका वडा नम्बर ५ स्थित स्वास्थ्य चौकी रुपाटारमा राष्ट्रिय प्रसारण लाइन जडान गरिएको छ । लघु जलबिद्युत र सौर्य उर्जा सोलारबाट बिद्युत आपुर्ती गर्दै आएको स्वास्थ्य चौकीमा आइतबार राष्ट्रिय प्रसारण लाइन जडान गरिएको हो ।
स्वास्थ्य संस्थामा लघु जलबिद्युत र सौर्य उर्जा सोलारको प्रयोग गर्दा नागरिकलाई पुर्ण सेवा प्रवाह गर्न नसकिएको स्वास्थ्य चौकी प्रमुख असिम सिंह ठकुरीले बताउनुभयो । नेपाल बिद्युत प्राधिकरण र ताप्ली गाउँपालिकाको सकृयतामा ट्रान्सर्फमर सम्म मुख्य लाईन जडान गरि कटहरे, फुर्के र लामिसोतिका करिब १५० घरधुरी उपभोक्ता र एक बिद्यालयले समेत उपभोग गर्न सक्ने गरी ट्रान्सर्फमर जडान गरिएको छ ।
आज गाउँपालिका अध्यक्ष ढुङ्गराज बिश्वकर्मा र वडा नम्बर ५ का वडाध्यक्ष बिष्णु कुमार श्रेष्ठले सयुक्त रुपमा उद्घाटन गर्नुभएको संवाददाता ठबिन्द्र मगरले जानकारी दिनुभयो ।
Discussion about this post