महाकुलुङमा हुलाक कार्यालयको स्थापना

असोज १, सोलुखुम्बु । महाकुलुङ गाउँपालिकामा पालिका हुलाक कार्यलयको स्थापना गरिएको छ । गाउँपालिकाको वडा नम्बर १ बुङमा आईतबार एक कार्यक्रमका बिच महाकुलुङ हुलाक कार्यालयको स्थापना गरिएको हो । नेपाल सरकारको एक पालिका एक हुलाक कार्यालयको अवधारण अनुरुप महाकुलुङ गाउँपालिकामा हुलाक कार्यालयको स्थापना गरिएको जिल्ला हुलाक कार्यालय सोलुखुम्बुका निमित्त प्रमुख उषा दाहालले जानकारी दिनुभयो ।

महाकुलुङ हुलाक कार्यालयबाट पालिकामा रहेका अतिरिक्त हुलाकबाट प्राप्त पत्रहरू जिल्ला लगायत अन्यठाँउमा पठाउने र आसपासमा वितरण गर्नु पर्ने पत्रहरू वितरण गरिने उहाँको भनाई छ । हाल सोलुखुम्बु जिल्लामा २१ वटा अतिरिक्त हुलाक, ७ वटा पालिका स्तरीय हुलाक र १ जिल्ला हुलाक कार्यालय रहेको छ ।

सुचानालाई छिटो छरितो विश्वसनीय, र प्रभावकारी ढंगले प्रवाहका लागि मध्यस्थकर्ताको रूपमा रहि सूचनाको हक कार्यान्वय गर्नु हुलाकको मुख्य लक्ष्य रहेको छ । महाकुलुङ हुलाक कार्यलयमा एक जना खरिदार सहित २ जना कर्मचारीको दरबन्दी रहेको छ ।

३ जनाको दरबन्दी रहेको हुलाक कार्यालयमा दुई जना कर्मचारी कार्यरत रहेका छन । कार्यालय प्रमुख खरिदारको दरबन्दी खाली रहेको र दुई जना हलकारा करार नियुक्ति गरिएको जिल्ला हुलाक कार्यालय सोलुखुम्बुले जनाएको छ।