दिप्रुङ चुइचुम्मा गाउँपालिकामा संविधान दिवस दिप प्रज्वलन गरि मनाइयो

असोज ३, सोलुखुम्बु । खोटाङको दिप्रुङ चुइचुम्मा गाउँपालिकाले दिप प्रज्वलन गरी संविधान दिवसको मनाएको छ । बिहिवार गाउँपालिकाको प्राङगणमा दिप प्रज्वलन गरी दिवस मनाएको हो । लामो सङ्घर्ष र सयौँको बलिदानको फलस्वरूप जनता आफैँले आफ्ना लागि तय गरेको शासन प्रणाली र जनताले चुनेको संविधानसभाले संविधान निर्माण गरेको दिप्रुङ चुइचुम्मा गाउँपालिकाका अध्यक्ष लोकन्द्र राईले बताउनुभयो ।

उहाँले संविधानले सबैलाई अधिकार सम्पन्न बनाएको र सबैको विचार, समुदाय, भूगोल, लिङ्ग, जाति र धर्मका भावनालाई यसले संरक्षण गरेको उल्लेख गर्नुभयो । यसको संरक्षण गरेर मात्र हामीले उपभोग गरेका अधिकारको रक्षा हुन सक्ने, र जनताले लामो समयसम्म भोगेको निरङ्कुशता आजको पुस्ताले पनि बिर्सनु नहुने बताउनुभयो ।

साथै उहाँले संविधानले दिएको मुलभुत मानव अधिकार नागरिक कर्तव्यहरुको पालना गर्नुपर्ने बताउनुभयो ।