“हिमालयन संगितिक धमाका २०२४” कार्यक्रम भव्यताका साथ सम्पन्न

असोज ३, सोलुखुमबु । “हिमालयन सांगीतिक धमाका” २०२४ कार्यक्रम भव्यताका साथ सम्पन्न भएको छ । विपत व्यवस्थापन तथा आपतकालीन राहत कोष स्थापनार्थ शेर्पा संघ दक्षिण कोरियाले कोरियाली चाड छुसकको अबसरमा आयोजना गरेको “हिमालयन सांगीतिक धमाका” २०२४ कार्यक्रम भव्यताका साथ सम्पन्न भएको हो ।

कार्यक्रममा ख्याति प्राप्त कलाकारहरु निमा रुम्बा, अस्मिता अधिकारी, मिङ्मा शेर्पा, गिटारिस्ट सुनिल शाक्य, डिजे एपि तेन्जिङ शेर्पा, लगायत स्थानीय कलाकारहरुको बेजोड प्रस्तुति रहेको कार्यक्रम संयोजक थुतुङ गेल्जी शेर्पाले जानकारी दिनुभयो ।

साथै कार्यक्रम सफल बनाउनका लागि आदिवासी जातजाति महासंघ दक्षिण कोरिया अन्तर्रगतका सम्पूर्ण जातीय संस्थाका अध्यक्ष लगायत पदाधिकारी र सदस्यहरु क्षेत्रीय संस्था‚ अन्य संघ संस्थाका अध्यक्षहरु प्रतिनिधिहरु‚ बुद्धिजिवी‚ प्रायोजक‚ सञ्चारकर्मी‚आम दर्शक श्रोता तथा शुभेच्छुक शुभचिन्तकहरूको आर्थिक‚ भौतिक‚ नैतिक रुपमा सहयोग गरेको महासचिव दोर्ची शेर्पाले बताउनुभयो । कार्यक्रम सफल पार्न सहयोग गर्नु भएकोमा सम्पूर्णलाई शेर्पा संघ दक्षिण कोरियाका अध्यक्ष दोर्ची शेर्पाले धन्यवाद ज्ञापन गरेका छन् ।